Հրաբխի ժայթքումից հետո Իսլանդիայի «Կապույտ ծովածոց» հանգստավայրից տարհանել են զբոսաշրջիկներին և բնակիչներին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսլանդիայի հարավ-արևմուտքում հրաբխի ժայթքումը դարձյալ ստիպել է տարհանել տեղի բնակիչներին և աշխարհահռչակ «Կապույտ ծովածոց» երկրաջերմային առողջարանի զբոսաշրջիկներին, հաղորդում է RUV ազգային հեռուստաընկերությունը։

Իսլանդիայի օդերևութաբանական գրասենյակից հայտնել են, որ ժայթքումը սկսվել է չորեքշաբթի՝ տեղական ժամանակով 04:00-ի սահմաններում, մայրաքաղաք Ռեյկյավիկից հարավ-արևմուտք՝ Ռեյկյանեշ թերակղզում տեղի ունեցած ուժեղ սեյսմիկ ցնցումից հետո։

Սեյսմիկ ակտիվության սկսվելուց կարճ ժամանակ անց Գրինդավիկ քաղաքից տարհանվել է մոտ 100 մարդ։ Քեմփինգի տարածքի զբոսաշրջիկները և «Կապույտ ծովածոցի» հյուրերը ստիպված են եղել շտապ հավաքել իրենց իրերը, հաղորդում է RUV-ը։

Տեղական ոստիկանության կոմիսար Մարգրետ Քրիստին Պալսդոտիրը հայտնել է, որ տարհանումը սահուն է անցել և տևել է մոտ 90 րոպե։

Ժայթքումից առաջացած լավան հոսում է հարավ-արևելք անպտուղ լանդշաֆտի 700-1000 մետր լայնությամբ ճեղքից, սակայն հալված ապարը որևէ ենթակառուցվածքի չի սպառնում, հայտնել են օդերևութաբանական գրասենյակից։ Գրինդավիկը 2023 թվականի նոյեմբերից ի վեր բազմիցս ենթարկվել է հրաբխային ակտիվության, երբ տարածքում գտնվող հրաբուխը արթնացել է մոտ 800 տարի քնից հետո։

Հետևեք մեզ՝ այստեղ