Իսրայելում քաղաքացիներին Իրանի օգտին չլրտեսելու կոչ անող գովազդային արշավ է մեկնարկել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսրայելում չորեքշաբթի ազգային գովազդային արշավ է սկսվել, որով իր քաղաքացիներին կոչ արվում դիմադրել Իրանի օգտին լրտեսելու գայթակղությանը՝ զգուշացնելով, որ հետևանքները շատ ավելի ծանր են, քան ցանկացած ֆինանսական պարգև, հաղորդում է Reuters-ը։

Անսովոր որոշումն ընդունել է Իսրայելի և Իրանի միջև 12-օրյա պատերազմից մեկ ամիս անց և հաջորդել է Թեհրանի կողմից իսրայելցիներին լրտեսության համար հավաքագրելու ակնհայտ ջանքերի ակտիվացմանը։

«Հեշտ փող, բարձր գին» խորագրով արշավը, որը կհեռարձակվի ռադիոյով, խոշոր համացանցային կայքերով և սոցիալական ցանցերի հարթակներով, մշակել են Իսրայելի անվտանգության գործակալությունն ու Հանրային դիվանագիտության ազգային վարչությունը։

Երկու 20 վայրկյան տևողությամբ տեսանյութերից մեկում հայրը ընթրում է իր ընտանիքի հետ, իսկ երկրորդում՝ մեկ այլ տղամարդ ընկերների հետ ոգելից խմիչք է խմում, որից հետո էկրանին հայտնվում է հետևյալ մակագրությունը. «Արժե՞ 5000 շեկելի համար կործանել կյանքդ/ընտանիքդ»։

Հայտարարության մեջ նշվում է, որ իրանական կանխիկ գումար վերցրած անձինք այժմ բանտարկված են, և զգուշացվում է, որ Թեհրանին օգնող յուրաքանչյուր ոք կարող է դատապարտվել մինչև 15 տարվա ազատազրկման։ Հանրային դիվանագիտության ազգային վարչությունը հայտարարել է, որ անվտանգության գործակալությունը և ոստիկանությունը անցյալ տարվա ընթացքում բացահայտել են հետախուզական առաքելությունների համար իրանցիների կողմից իսրայելցիների հավաքագրման ավելի քան 25 դեպք, որոնց ընթացքում ավելի քան 35 մարդ ենթարկվել է քրեական պատասխանատվության՝ անվտանգության լուրջ մեղադրանքներով։

Հետևեք մեզ՝ այստեղ