Երևան, 10.Հուլիս.2025,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


«Մարդ, որը հայկական Արցախը տվեց թշնամուն ու դա «մարսեց», ընդունակ է ամեն ինչի». «Փաստ»

ՀԱՐՑԱԶՐՈՒՅՑ

«Փաստ» օրաթերթը գրում է.

Իշխանությունները շարունակում են կալանավորել ընդդիմադիր հայացքներ ունեցողներին, հասարակությունն անընդհատ սպասում է, թե ինչ հերթական սադրանք է տեղի ունենալու Եկեղեցու շուրջ, զուգահեռ «Խաղաղության պայմանագրի» ստորագրման մասին զրույցներն են վերստին թարմանում։ Կարծիք կա, որ Նիկոլ Փաշինյանը, գիտակցելով, որ անհնարին է իր և իր քաղաքական թիմի վերընտրվելը 2026 թվականին, «վա բանկ» է գնում»՝ կալանավորում է ընդդիմադիրներին և արշավ սկսում Հայ առաքելական եկեղեցու դեմ՝ արտաքին՝ այս դեպքում Թուրքիայի աջակցությունը ստանալու համար։

Քաղաքագետ Գագիկ Համբարյանն ասում է՝ նա այս ամենն անում է Ազգային ժողովի ընտրություններին նախապատրաստվելու նպատակով։ «Եկեղեցու դեմ շարժումը նա սկսել է 2018 թվականից՝ իշխանության գալուց անմիջապես հետո։ Չմոռանանք, որ դա հենց իր նախաձեռնությունն է եղել, և այն մարդիկ, ովքեր ներգրավված են եղել այդ խուլիգանության մեջ, հիմա պաշտոններ ունեն, դա էլ է ցուցիչ, որ այդ ամենի թիկունքում հենց ինքն է կանգնած եղել։ Հատկապես այս վերջին ակտիվությունը հաջորդեց Գյումրիում և Փարաքարում տեղի ունեցած ընտրություններին և Ստամբուլ կատարած այցին։ Այս մարդն իշխանության գալուց առաջ էլ, հետո էլ չի թաքցրել, որ դեմ է ամեն հայկականին։ Հայապահպանության թիվ մեկ ինստիտուտներից մեկը Հայ առաքելական սուրբ եկեղեցին է։ Եկեղեցու նկատմամբ նրա թշնամանքը բացատրվում է նաև սրանով։ Երկրորդը՝ Նիկոլ Փաշինյանը, որը վերջին շրջանում, հարձակումներ գործելով Հայ առաքելական սուրբ եկեղեցու դեմ, փորձում է իրեն ներկայացնել որպես Եկեղեցու նվիրյալ հետևորդ, իրականում աղանդավոր է։ Այս մարդը չի էլ թաքցնում դա։ Իշխանության գալուց հետո Նիկոլ Փաշինյանը բազմիցս իր ֆեյսբուքյան էջում տեղադրել է «Կյանքի խոսք» աղանդի հովիվ Վահե Պետրոսյանի քարոզները և խորհուրդ տվել իր էջի հետևորդներին լսել կամ նայել դրանք։ Հայ առաքելական սուրբ եկեղեցու քանի՞ հետևորդ գիտեք, այն էլ՝ նվիրյալ, ովքեր իրենց սոցիալական ցանցերի էջերում տեղադրում են հայտնի աղանդի ինչ-որ ներկայացուցչի քարոզ ու խորհուրդ են տալիս իրենց էջերի հետևորդներին դա լսել կամ նայել։ Հայ առաքելական սուրբ եկեղեցու քանի՞ հետևորդ գիտեք, որի երեխաները բացահայտ շփվում են նշված աղանդի ներկայացուցիչների հետ և չեն թաքցնում դա, իրենց շփման վերաբերյալ սոցիալական ցանցերում կան բազմաթիվ հրապարակումներ՝ թե՛ տեսանյութերի, թե՛ լուսանկարների տեսքով։ Երրորդը՝ անցյալ տարի սեպտեմբերին Նիկոլ Փաշինյանը, ելույթ ունենալով Նյու Յորքում՝ ՄԱԿ Գլխավոր ասամբլեայի գագաթաժողովում, մեջբերումներ արեց Սուրբ Գրքից, որոնց ստուգման ժամանակ պարզվեց, որ այդ հայերեն թարգմանությունը բացարձակ չի համապատասխանում Հայ առաքելական սուրբ եկեղեցու կողմից Սուրբ Գրքի թարգմանության տարբերակին։ Պարզվել է, որ իր մեջբերումը համապատասխանում է «Եհովայի վկա» կազմակերպության կողմից իրենց պաշտոնական էջում տեղադրված թարգմանությանը։ Հետագայում նաև որպես պատմաբան պարզեցի, որ այդ թարգմանությունը կիրառվում է աղանդավորական՝ Ավետարանական և Ավետարանչական եկեղեցիների կողմից։ Հիմա հարց՝ այդ մարդն ինչո՞ւ պետք է ընդունի Հայ առաքելական սուրբ եկեղեցին։ Այն, ինչ նա անում է, ամբողջությամբ տեղավորվում է իր աղանդավոր էության մեջ։ Նա քաղաքացիական անձ է, հոգևորական չէ, բայց իր քիթը մտցնում է մեր Եկեղեցու ներքին գործերի մեջ, որը մեր Եկեղեցու մեջ ընդունված կարգ չէ։ Հայ առաքելական սուրբ եկեղեցին, Ռուս ուղղափառ եկեղեցին, Հռոմի կաթոլիկ եկեղեցին հենց դրանով են տարբերվում, որ ներսում գոյություն ունեցող խնդիրները լուծվում են հոգևորականների մակարդակով։ Հայ առաքելական սուրբ եկեղեցին բողոքական եկեղեցի չէ։ Այն, ինչ հիմա անում է Նիկոլ Փաշինյանը, բողոքականություն է և փորձ է ոչնչացնել Հայ առաքելական սուրբ եկեղեցու՝ հարյուրավոր տարիներ գործող կանոնները և մեր Եկեղեցին դարձնել շարքային աղանդավորական՝ բողոքական Ավետարանական կամ Ավետարանչական եկեղեցի։ Սա է Նիկոլ Փաշինյանի ուզածը։ Ի դեպ, մի հարց իրեն՝ Հայ առաքելական եկեղեցու հետևորդ լինելո՞վ Եկեղեցու պատմությունը դուրս բերեց դպրոցական ծրագրերից։ Հեքիաթները, թե այդ ծրագիրը միավորվել է Հայոց պատմությանը, ուղղակի ծիծաղելի են»,- «Փաստի» հետ զրույցում ասում է Համբարյանը։

Հավելում է՝ ի տարբերություն շատ այլ ինստիտուտների, որոնք ենթարկվում են Նիկոլ Փաշինյանին և ուրացել են Արցախը, Հայ առաքելական եկեղեցին չի ուրացել Արցախը, բոլոր հարթակներն օգտագործում է Արցախի հարցը «տաք» պահելու համար։ «Սա չի համապատասխանում Նիկոլի արտաքին քաղաքական թեզերին։ Թուրքիայի և Ադրբեջանի համար Հայ առաքելական եկեղեցին տեռորիստական, ֆաշիստական կազմակերպություն է։ Եթե ուշադիր նայեք Նիկոլի և ադրբեջանցիների հռետորաբանությանը, կտեսնեք, որ գրեթե նույն հռետորաբանությունն է Հայ առաքելական եկեղեցու վերաբերյալ, գրեթե ամբողջը կրկնվում է, ոչ մի տարբերություն չկա։ Չգիտեմ՝ մեր հասարակությունը պատկերացնո՞ւմ է տեղի ունեցող խայտառակության մասշտաբը, թե ոչ, բայց աշխարհով մեկ խայտառակ ենք եղել, ամբողջ աշխարհը ծիծաղում է մեզ վրա։ Նիկոլ Փաշինյանի անպարկեշտ, անդաստիարակ և խուլիգան առաջարկը Կաթողիկոսին և նրա մամլո խոսնակին, թե ցանկանում է ապացուցել, որ ինքը թլպատված չէ, Եվրանյուզի լուրերի թողարկումով երկու օր պտտվել է։ Եթե հասարակությունը, հատկապես իրեն մտավորական համարող զանգվածը շատ գոհ է այս վիճակից, բացարձակ չեմ մեղադրում որևիցե մեկին, որ այս վիճակում ենք հայտնվել»,-նշում է մեր զրուցակիցը՝ ընդգծելով, որ այն, ինչ տեղի է ունենում Եկեղեցու շուրջ, Փաշինյանի քաղաքականությունն է մի քանի ուղղություններով։ «Նա պատրաստվում է ընտրությունների, համարում է, որ Եկեղեցին իր թիվ մեկ թշնամին է և թույլ չի տալիս, որ ինքը բավական ձայներ ստանա։ Նա նաև արտաքին՝ իրեն իշխանության բերած ուժերի պատվերն է կատարում, որոնք գլոբալիստներ են և դեմ են ամեն տեսակ ազգայինին։ Եվ վերջինը՝ չլինելով Առաքելական եկեղեցու հետևորդ(իր քայլերից ենթադրում եմ, որ աղանդավոր է)՝ կատարում է «միսիան», այն է՝ քանդում է Հայ առաքելական սուրբ եկեղեցին՝ իրեն ներկայացնելով որպես Եկեղեցու նվիրյալ հետևորդ»։

Ինչ վերաբերում է ընդդիմադիրների, Սրբազանների ու գործարարների կալանավորմանը, քաղաքագետը հիշեցնում է՝ մարդ, որը հայկական Արցախը տվեց թշնամուն ու դա «մարսեց», ընդունակ է ամեն տեսակ ստորության և հանցագործության։ «Նիկոլ Փաշինյանը հիմա գործում է հանցագործի տրամաբանությամբ՝ կա՛մ ինքը լինելու է Հայաստանի վարչապետ, կա՛մ Հայաստանը չի լինելու։ Հանցագործներն էլ են նույն կերպ գործում՝ կա զոհ, կա հանցագործ, չկա զոհ, չկա հանցագործ։ Նա վարչապետ է, կարող է ուժայինների միջոցով վերահսկել իրավիճակը և պահպանել իր իշխանությունը, բայց եթե նա իշխանություն չունեցավ, իր բոլոր հանցանքները բացահայտվելու են, ինչը նրան ձեռնտու չէ։ Թե հետագայում Հայաստանից ինչ կմնա, ինչ չի մնա, իրեն բացարձակ չի հետաքրքրում։ Հենց նա է լինելու Հայաստանի կործանողը»,-ասում է նա։

Մեր զրուցակցի խոսքով, այդ մարդը շատ հմուտ նախապատրաստվեց այս ամենին։ «Ո՞ւմ աշխատավարձերը նա բարձրացրեց ու հետագայում նոր սկսեց այս գործունեությունը։ Երկու ոլորտի ներկայացուցիչների աշխատավարձը շեշտակի բարձրացրեց ու այդ մարդկանց միջոցով պահպանում է իր իշխանությունը։ Դա ուժային կառույցներն են, այդ մարդիկ շատ լավ հասկանում են, թե ինչի մեջ են ներքաշվում, բայց իրենց համար փողը վեր է ամեն ինչից։ Այն հանցագործները, որոնք, կարմիր ու սև բերետները գլխներին դրած, կամ ԱԱԾ և այլ ուժային կառույցների ներկայացուցիչները, որոնք դեմքները փակած մտնում են Էջմիածին, խուզարկություններ անում, պետք է հասկանան՝ ապագայում իրենց անունները մեկ առ մեկ հրապարակվելու են՝ որպես Նիկոլի սպասարկուներ։ Նույն ուժայինները, որոնք փորձում են չքմեղանալ, թե իրենց գործն են անում, պիտի հասկանան, որ դա իրենց գործը չէ, և իրենք հանցակից են Նիկոլին։ Երկրորդ խավը, որին Նիկոլը «գնել» է, այսպես կոչված, մտավորականությունն է։ Նրանց աշխատավարձերը բարձրացրեց, նրանց ահռելի մեծ գրանտներ է տալիս։ Եկեղեցու դեմ շարժում է, մտավորականների ինչ-որ խմբի տեսե՞լ եք, որ պայքարեն Նիկոլի իշխանության դեմ։ Բայց թող Գիտության կոմիտեն հայտարարի մրցույթ, որ մի քանի միլիոն դրամի դրամաշնորհներով պետք է գիրք գրեն Հայ առաքելական սուրբ եկեղեցու պատմության էթնիկ շրջանի վերաբերյալ։ Կտեսնեք, թե այդ մտավորականները ինչպես են կոկորդ կրծելով, իրար հերթ չտալով մասնակցելու այդ գրանտների ստացմանը։ Նիկոլը կործանելու է 1800-ամյա Եկեղեցին, իրենք ծպտուն չեն հանելու»։

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում

27-ամյա տղան պառկել է գետնին, բղավել, բարձրացել մեքենային․ նրան տեղափոխել են ոստիկանություն Նախկին զինդատախազից ոստիկանությունը վերցրել է պարգևատրած զենքը Սթարմերը և Մակրոնը պայմանավորվել են դիվանագիտության հետ մեկտեղ մեծացնել Ռուսաստանի վրա ճնշումը Ուշադրություն՝ Մոսկվա մեկնողների համար․ բոլոր մուտքային և ելքային չվերթները հետաձգվել են ԱՄՆ-ն հիասթափված է Ուկրաինայի հարցում առաջընթացի բացակայությունից. Ռուբիո «Ուրարտուի» մեկնարկային կազմը «Նեմանի» հետ խաղում Էստոնիայի նախագահն արգելափակել է Ռուս ուղղափառ եկեղեցու հետ էստոնական եկեղեցու կապերն արգելող օրենքը Թեո Էրնանդեսը՝ «Ալ-Հիլալի» ֆուտբոլիստ. պաշտոնական Հայաստանն ու Ադրբեջանը Ռուսաստանին դուրս են մղում Հարավային Կովկասից. Euronews ԵՊՀ Աստվածաբանության ֆակուլտետի դեկան Անուշավան եպիսկոպոս Ժամկոչյանն ազատվել է պաշտոնից Հայաստանի ազգային հավաքականը նահանջել է 3 հորիզոնականով Ինչո՞վ է վտանգավոր «Զանգեզուրի միջանցքը»․ ի՞նչ են պայմանավորվել Փաշինյանն ու Ալիևը Ձերբակալվել է ՊՆ ռազմական ոստիկանության Երևանի բաժնի պետի տեղակալը ՆԳ նախարարության կրթահամալիրի ռեկտորի պաշտոնում ընտրվել է Մանուկ Մուրադյանը 49-ամյա կինը կողոպուտ է արել, գողոնը հայտնաբերվել է Այս վարչախումբն անգամ իր ներկայությամբ է պղծում եկեղեցին. Մենուա Սողոմոնյան Էներգախնայող տեխնոլոգիաների ֆինանսավորում՝ մինչև 500 մլն դրամի չափովԱՄՆ դոլարով ավանդ՝ տարեկան մինչև 6% տոկոսադրույքով Զապորոժիեում գործարկվել է ևս մեկ հիբրիդային արևային էլեկտրակայանՁերբակալվել է ՀՀ ՊՆ ռազմական ոստիկանության Երևանի բաժնի պետի տեղակալը Խոշոր չափերով կաշառք ստանալու մեղադրանքով ձերբակալվել է ՀՀ ՊՆ ռազմական ոստիկանության պաշտոնատար անձ 5.4 մագնիտուդ երկրաշարժ է տեղի ունեցելՔո նոր մեքենան Ամիօ բանկից՝ հատուկ գնովԼավրովը և Ռուբիոն քննարկել են Ուկրաինայի, Իրանի և Սիրիայի շուրջ ստեղծված իրավիճակը Խոշոր ու ողբերգական վթար, 4 մարդ մահացել է, 2-ը՝ վիրավnրվել․ Ղրիմ Ես համոզված եմ, որ ձեր սերունդը կանի ամեն ինչ, որ չկորցնի Հայաստանի Հանրապետությունը․ Մհեր Ավետիսյան Ի՞նչ է տեղի ունեցել Աբու-Դաբիում․ Մենուա Սողոմոնյան «Բիզնես գործընթացների օպտիմիզացիա AI-ով» դասընթաց՝ ԱրարատԲանկի ղեկավար անձնակազմի համար Թամարա Ստեփանյանի «Արտոյի երկիրը» ֆիլմով կբացվի Լոկառնոյի 78-րդ կինոփառատոնը՝ 8,000 հանդիսատեսի ներկայությամբ Մնացական Սաֆարյանը հայ ժողովրդի անունից Հայաստանի Հանրապետության ինքնիշխանության սկզբունքը ոտնահարող հայտարարությամբ է հանդես եկել. Մենուա ՍողոմոնյանՓաշինյանը, նրա կինն ու կուսակիցները խախտել են Քրեական օրենսգիրքը. Արամ Պետրոսյան Հայտնի է՝ որ հասցեներում ջուր չի լինի Պրեմիերա. Սիլվա Հակոբյան-«Աշխարհս» Ինչպե՞ս է զորավարժադաշտում վիրավnրված զիվորների առողջական վիճակը ՆԳՆ-ն զգուշացնում է․ գործարկվելու է էլեկտրական շչակ Շրջանառության հարկի հաշվիչ՝ ՊԵԿ պաշտոնական կայքէջում Հայկական կողմում լռություն է. սա բազմիցս խաղարկված սցենար է, որի հետևանքով դաշտում գերակա են դառնում ադրբեջանական կողմի թեզերը. ադրբեջանագետ Սամվել Կարապետյանի և Բագրատ Սրբազանի ուշագրավ մարտավարությունը Իշխանությունը վերացնում է դիմադրության օջախները Փաշինյանը մտադիր է փակել ռուսական ԶԼՄ-ները Հայաստանում ՍԴ-ն գրեթե լիովին անցավ Փաշինյանի ձեռքը Ինչ է քննարկվել․ նոր տեղեկություններ՝ Փաշինյան-Ալիև հանդիպումից «Ստեղս հասավ»․ Փաշինյանի ժեստը՝ Ալիևի հետ հանդիպումից դուրս գալուց հետո Շուտով Փաշինյանը կսկսի պատմել, թե ինչ հրաշք բան է միջանցքը, թե ինչ անպետք, դարն ապրած բան է ինքնիշխանությունը. Մենուա ՍողոմոնյանՓաշինյանն աղաղակող հանցանքներ է գործում ընդդեմ Հայոց եկեղեցու. Ավետիք Չալաբյան Սկզբունքների պահպանման դեպքում Հայաստանը դեմ չէ Սյունիքի ճանապարհի արտապատվիրակմանը. ԱԳ փոխնախարար Երեկվա որոշումը փաստացի ոչ թե պարզապես աշխատանքից մի քանի հոգու ազատման, այլ` ուսանողական կյանքի ապաազգայնացման մասին էր. Էդուարդ ԳալստյանՋերմաստիճանը 6-9 աստիճանով կբարձրանա Աբու Դաբիում Փաշինյանի և Ալիևի միջև բանակցություններն ավարտվել են Ինչո՞ւ է Նիկոլը նեղվում այս կարգախոսից. միգուցե Էրդողանն է վերջին հանդիպման ժամանակ հանձնարարել, որպեսզի այս թեման միանգամից փակվի. Արմեն Հովասափյան