ՊԱՏՄՈՒԹՅԱՆ ԱՅՍ ՕՐԸ (8 ՀՈՒԼԻՍԻ). Տեղի են ունեցել բողոքի ակցիաներ՝ «Զվարթնոց» օդանավակայանի հին շենքը պահպանելու համար. «Փաստ»

«Փաստ» օրաթերթը գրում է.

ՀԱՅ-ՀԱՅԱՍՏԱՆ

1895 –ծնվել է մանկավարժ, հասարակական գործիչ Բենիամին Ժամկոչյանը։

1904 –ծնվել է հայ խորհրդային ինժեներմեխանիկ Ալեքսանդր Մարջանյանը։

1914 –ծնվել է արձակագիր, դրամատուրգ Հրանտ Բագրազյանը։

1915– Առաջին համաշխարհային պատերազմի ժամանակ սկսվել է Ալաշկերտի օպերացիան:

1937– վախճանվել է դիվանագետ, Ճապոնիայում Հայաստանի Հանրապետության առաջին դեսպան Դիանա Աբգարը։

1937– վախճանվել է հանրահայտ գրող Ակսել Բակունցը։

1944 –վախճանվել է բանասեր, ազգագրագետ Վարդան Հացունին։

1952– ծնվել է արմատներով հայ, ռուսաստանցի ռեժիսոր Կարեն Շահնազարովը:

1980 – ծնվել է երգիչ Անդրեն։

2005– Փարիզի դատարաններից մեկը ֆրանսիական «Quid» հանրագիտարանի խմբագիրներին պարտադրել է խորհրդանշական տուգանք վճարել Առաջին համաշխարհային պատերազմի տարիներին «հարյուր հազարավոր հայերի սպանությունները անհավասարակշիռ ներկայացնելու համար»:

2008 – ՅՈւՆԵՍԿՕ-ի Համաշխարհային ժառանգության կոմիտեն Քվեբեկ քաղաքում ընթացող նիստում Համաշխարհային ժառանգության ցուցակում ընդգրկել է Իրանում գտնվող Թադեի հայկական եկեղեցին:

2010– վախճանվել է պարսկահայ գիտնական և ճարտարապետ Կարո Լուկասը:

2011– տեղի է ունեցել «Ոսկե ծիրան» 8-րդ միջազգային կինոփառատոնի բացումը իրանցի աշխարհահռչակ կինոռեժիսոր Աբաս Քիառուսթամիի «Վավերացրած պատճեն» ֆիլմով, որը նախորդ տարի մրցանակի էր արժանացել Կաննի կինոփառատոնում: «Ոսկե ծիրանի» պատվավոր հյուրն է եղել աշխարհահռչակ Ֆաննի Արդանը:

2012-Երևանի «Մոսկվա» կինոթատրոնում հանդիսավորությամբ բացվել է «Ոսկե ծիրան» 9-րդ միջազգային կինոփառատոնը:

2016- բողոքի ակցիաներ են սկսվել «Զվարթնոց» օդանավակայանի հին շենքը պահպանելու համար:

ԱՇԽԱՐՀ

մ.թ.ա. 52 – համարվում է Փարիզի հիմնադրման օրը:

1283 – Սիցիլիական պատերազմի ժամանակ Մալթայի ճակատամարտում ադմիրալ Ռուջերո Լաուրիի ղեկավարած արագոնյան նավատորմը հաղթանակ է տոնել անժուական նավատորմի նկատմամբ ։

1497– Վասկո դա Գաման սկսել է իր առաջին շուրջերկրյա ճանապարհորդությունը:

1573 –Բուլոնյան էդիկտով վերջ է դրվել ֆրանսիական կաթոլիկների և հուգենոտների 4-ամյա պատերազմին։

1593 –ծնվել է իտալացի նկարիչ Արտեմիզիա Ջենտիլեսկին:

1618 – ֆրանսիական թագուհուն «կախարդելու» մեղադրանքով մահապատժի է ենթարկվել կամերիստկա Մարի Մեդիչին։

1621 –ծնվել է ֆրանսիացի առակագիր, բանաստեղծ Ժան դը Լաֆոնտենը:

1686 – ավստրիական զորքերն ազատագրել են 1541 թվականից թուրքերի տիրապետության տակ գտնվող Բուդա քաղաքը՝ ներկայիս Բուդապեշտը։

1709– տեղի է ունեցել Պոլտավայի ճակատամարտը, որը եղել է Հյուսիսային պատերազմի ամենամեծ ճակատամարտը:

1721 – վախճանվել է բրիտանացի վաճառական, Մադրասի գուբերնատոր Էլայհու Յեյլը, որը հանդիսանում է Յեյլի համալսարանի հիմնադիրը։

1777 – Վերմոնտը դարձել է ԱՄՆ-ի առաջին նահանգը, որը չեղարկել է ստրկությունը։

1796 – ԱՄՆ-ի Պետքարտուղարությունը տվել է ԱՄՆ-ի քաղաքացու առաջին անձնագիրը։

1820 – ֆրանկֆուրտյան Սեյմն ընդունել է Վիենյան եզրափակիչ արձանագրությունը, որը լրացրել է Գերմանական միության Սահմանադրությունը և հաստատել գերմանական պետությունների ինքնիշխանությունը։

1838 – ծնվել է դիրիժաբլների գերմանացի նախագծող, գրաֆ Ֆերդինանդ ֆոն Ցեպելինը։

1853 – ամերիկացի բանագնաց Մեթյու Փերրին ափ է իջել Էբո ծովածոցում և պահանջել, որ Ճապոնիան վերացնի իր մեկուսացումը։

1920 – անգլիական Արևել յան Աֆրիկա գաղութը վերանվանվել է Քենիա։

1922 – առաջին անգամ նախկին Խոդինյան օդանավակայանում իրականացվել է ավիացիայի օգտագործում գյուղատնտեսական կուլտուրաների վնասատուների դեմ պայքարի համար։

1969 – Վիետնամական պատերազմի ընթացքում ամերիկյան զորքերը սկսել են դուրս բերվել երկրի հարավից։

1974 – ԽՄԿԿ Կենտրոնական կոմիտեն հաստատել է Բայկալ-Ամուրյան մագիստրալի (ԲԱՄ) կառուցման նախագիծը։

1979 – հայտնաբերվեց Յուպիտերի ներքին արբանյակ Ադրաստեան:

1985– վախճանվել է ամերիկացի տնտեսագետ, Նոբել յան մրցանակի դափնեկիր Սայմոն Կուզնեցը:

1994 –վախճանվել է Հյուսիսային Կորեայի 1946-94 թթ. առաջնորդ Կիմ Իր Սենը։ Նրա մահից հետո Հյուսիսային Կորեայի առաջնորդ է դարձել նրա որդին՝ Կիմ Ջոնգ Իլը։

2011 – մեկնարկել է «Ատլանտիս» շաթլը, որը եղել է «Ատլանտիսի» վերջին թռիչքը, ավարտվել է «Space Shuttle» տիեզերանավային համակարգերի շահագործումը։

2022 – Ճապոնիայում նախընտրական ելույթի ժամանակ սպանվել է նախկին վարչապետ Սիձո Աբեն:

Մանրամասները՝ «Փաստ» օրաթերթի այսօրվա համարում