Իմ էլեկտրաէներգիայի վճարը. 50 եվրո ամսական 200 քառակուսի մետրի համար. hնարավո՞ր է դա Էստոնիայում

ՏՆՏԵՍՈՒԹՅՈՒՆ 5 Հուլիս, 2025 15:33

Արևային էներգիան կարող է ոչ միայն կրճատել ձեր վճարները, այլ նաև սկսել եկամուտ ստեղծել, հատկապես, եթե օգտվեք Էստոնիայում առկա սուբսիդիաներից: Լավ ընտրված արևային էլեկտրակայանն այլևս պարզապես նորաձև միտում չէ, այլ իրական ներդրում ձեր ֆինանսապես կայուն ապագայի համար: Բայց ինչպե՞ս ընտրել ճիշտ լուծումը ձեր տան կամ բիզնեսի համար: Ի՞նչ սխալներ կարող են հանգեցնել հազարավոր եվրոների կորստի: Եվ ամենակարևորը ինչպե՞ս առավելագույնս օգտվել բոլոր հնարավոր սուբսիդիաներից և աջակցության ծրագրերից, գրում է delfi.ee–ն:

Պետական սուբսիդիաներն ու աջակցության միջոցառումները պարբերաբար են ի հայտ գալիս, ուստի կարևոր է անընդհատ վերահսկել առկա հնարավորությունները: Ամենահայտնի ծրագրերից մեկը մասնավոր տների վերակառուցման նպաստն է՝ դրանց էներգաարդյունավետությունը բարելավելու համար: Օրինակ արևային էլեկտրակայանի տեղադրումը կարող է բարելավել շենքի էներգաարդյունավետության դասը, ինչը թույլ է տալիս ստանալ նախագծի արժեքից մինչև 30 % փոխհատուցում (բայց ոչ ավելի, քան 30000 եվրո):

2025 թվականին արևային վահանակներ տեղադրելու հիմնական նպատակը ոչ թե եկամուտն է, այլ խնայողությունները: Դրանք թույլ են տալիս կրճատել ցանցից գնվող էներգիայի քանակը և նվազեցնել ցանցային ծառայությունների ծախսերը: Չնայած ամառային էլեկտրաէներգիայի ցածր գների պատճառով վերադարձման ժամկետը մեծացանում է, բայց միևնույն ժամանակ զարգանում է մարտկոցային համակարգերի շուկան, որոնք թույլ են տալիս օգտագործել կուտակված էներգիան երեկոյան, երբ գինն ավելի բարձր է:

Արևային վահանակներում ներդրումներ կատարելը պետք է սկսվի սպառման վերլուծությունից: Եթե էներգիայի օգտագործման պրոֆիլը հարմար է, ներդրումը կարդարացվի, հատկապես այնպիսի բիզնես օբյեկտների համար, ինչպիսիք են գրասենյակները, պահեստները և ֆերմերային տնտեսությունները: Տնային տնտեսություններն ունեն կայուն սպառում, և արևային վահանակները գրեթե միշտ բարելավում են տնային տնտեսությունների էներգաարդյունավետությունը, հատկապես կուտակման մարտկոցների և խելացի համակարգերի հետ համատեղ:

Այսօր արևային կայանի տեղադրումն առանց կուտակման մարտկոցի անարդյունավետ է: Հենց կուտակված էներգիան է թույլ տալիս խնայել գումարներ գագաթնակետային ժամերին: Նախագիծը սկսելուց առաջ արժե պարզել, թե արդյո՞ք հասանելի են սուբսիդիաներ, դա կարելի է անել ինչպես բաց աղբյուրներից, այնպես էլ խորհրդակցելով տեղադրողների հետ, ովքեր հետաքրքրված են ձեզ լավագույն լուծումներ առաջարկել:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]