Դա փակ թեմա է, ոչ մեկ իրավունք չունի խառնվելու. Սիլվա Հակոբյանի հայրը՝ երգչուհու անձնական կյանքի մասին

ԼԱՅՖ 6 Փետրվար, 2016 11:22

Երգչուհի Սիլվա Հակոբյանը իր երկրպագուներին երկար սպասեցնել չի տա եւ շատ շուտով կներկայացնի նոր տեսահոլովակ.

«Աշխատաքներն ու ծրագրեն իսկապես շատ են, այնքան շատ, որ չենք հասցնում իրականացնել: Մի երգ ենք ընտրել, որի հիման վրա շուտով տեսահոլովակ կնկարահնենք. Սպասում ենք եղանակների տաքացմանը, քանի որ երգը շատ պայծառ է, ակտիվ եւ ուզում ենք, որպեսզի եղանակն էլ թույլ տա նկարահանել այն, ինչ պատկերացնում ենք»,-Life.panorama.am-ի հետ զրույցում նշեց Սիլվա Հակոբյանի հայրը՝ Հակոբ Հակոբյանն ու խոստացավ, որ 2016-ին էլ Սիլվայի երկրպագուները տեսահոլովակների պակաս չեն զգա, երգչուհին պարբերաբար նոր աշխատանքներ կներկայացնի:

Հակոբ Հակոբյանը նկատեց նաեւ, որ բացի տեսահոլովակից այլ ծրագրեր էլ կան.

«Մարտ ամսին Սիլվան եւ Արամեն միասին հյուրախաղերի պետք է մեկնեն Ռուսաստան: Ծրագրում ենք մեր ռուսաստաբնակ հանդիսատեսին լավ եւ ուրախ պահեր պարգեւել, կարծում եմ, ամեն բան մեր պլանավորածին համապատասխան կընթանա»,- նշեց նա:

Հետաքրքրվելով, թե Արամեի հետ հյուրախաղերը հնրավարո՞ր է նոր զուգերգի մտահղացման համար հարմար առիթ լինի, Սիլվա Հակոբյանի պրոդյուսերը պատասխանեց. «Այո, նման մտահղացում կա, տեսնենք՝ ինչպես կստացվի: Դեռեւս կարող եմ միայն ասել, որ թե Սիլվան, թե Արամեն ցանկություն ունեն միասին մի գեղեցիկ աշխատանք ունենալ, իսկ եթե երկու կողմն էլ այդ ցանկությունն ունեն, ուրեմն դա մեծ հավանականություն ունի իրականանալու»:

Երգչուհու անձնական կյանքի եւ այս տարի սպասվելիք հարսանիքի մասին Սիլվա Հակոբյանի հայրը չցանկացավ խոսել. «Մենք հնարավորինս այդ թեմայի շուրջ չենք խոսում, դա փակ թեմա է, իրենց անձնականը եւ ոչ մեկ իրավունք չունի խառնվելու, երբ լինեն այնպիսի փոփոխություններ, որի մասին Սիլվան ցանկանա տեղեկացնել իր երկրպագուներին, ապա նա անձամբ դա կանի»,- հավելեց Հակոբ Հակոբյանը:

Հեղինակ՝ Անուշիկ Մելքոնյան