«Լուրերում սովորեցի քար ձևանալ, թաքցնել շնչահեղձ լինելս, զսպել ցավի, բարկության, լացի պոռթկումներս». Մերի Ներսիսյանը հեռացել է Առաջին ալիքից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հանրային հեռուստաընկերության լուրերի մեկնաբան, հաղորդավար, բլոգեր Մերի Ներսիսյանն ինստագրամյան իր էջում կիսվել է տեսանյութով՝ հայտնելով, որ թողնում է աշխատանքը: 

«Նախկինում երբեք չեմ հայտարարել` ուր ընդունվեցի, որտեղից դուրս եկա, բայց այս անգամ փակում եմ մասնագիտական կյանքիս շատ մեծ հատոր, բացի այդ` հիմա ունեմ լսարան սոցհարթակներում, որը հաճախ նմանեցնում եմ մեծ ընտանիքի, որի անդամներին ուզում ես պատմել լավն էլ, վատն էլ: Չէ, այս որոշման մեջ որևէ վատ բան չկա` չկա արտաքինից եկող պատճառ, չկա կասկած. կյանքիս այս փուլում` սա հնարավոր միակ ճիշտ որոշումն էր, որը տարածություն կստեղծի այլ գաղափարների, նախաձեռնությունների, պլանների ու վերջապես ընտանիքիս համար:

Առաջին ալիքը դարբնոց է, ճանապարհ է, որին նվիրվելու դեպքում սովորում ու աճում ես անխուսափելիորեն. ես նվիրվել եմ:

Վերջերս հաճախ եմ հիշում Հանրային ընդունվելուս օրերը և ուզում եմ, որ նախկին ու ներկա գործընկերներս իմանան, որ անչափ բարձր եմ գնահատում ինձ տված հնարավորությունը, հիշում եմ ամեն խորհուրդ, ինձ մեկնած օգնության յուրաքանչյուր ձեռք ու շնորհակալ եմ:

Լուրերում էի, երբ համավարակ էր, երբ 44 օրյա պատերազմն էր, երբ Արցախի շրջափակումն էր ու մեր հայրենակիցների տեղահանումը... Սովորեցի քար ձևանալ, թաքցնել շնչահեղձ լինելս, զսպել ցավի, բարկության, լացի պոռթկումներս:

Ես միշտ եմ երազել լինել լրատվականում, բայց իմ տարիքում միայն հանուն երազանքի որևէ տեղում մնալը մի քիչ տարօրինակ եմ համարում: Դրա համար էլ հանգիստ խղճով ու պարզ ճակատով փակում եմ այս դուռը ու գնում եմ նոր երազանքների հետևից»,- գրել է Մերի Ներսիսյանը:

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Meri Nersisyan (@mary_nersisyan)

Հետևեք մեզ՝ այստեղ