Սահարայի փոթորիկները սպառնում են Եվրոպայի արևային էներգիայի ապագային, ասում են գիտնականները

Երկրաբանական գիտությունների միությունը գրում է, որ նոր ուսումնասիրությունը ցույց է տալիս, թե ինչպես է Սահարայի փոշին ազդում Եվրոպայում արևային էներգիայի արտադրության վրա, գրում է Centralasia.media–ն։

Սահարան ամեն տարի միլիարդավոր տոննա մանր փոշի է արտանետում մթնոլորտ, որից տասնյակ միլիոնավոր տոննաները հայտնվում են Եվրոպայի երկնքում։ Այդ մասնիկները ցրում և կլանում են արևի լույսը, նվազեցնում մակերեսի լուսավորությունը և նույնիսկ կարող են նպաստել ամպագոյացմանը, և այս ամենը նվազեցնում է ֆոտովոլտային համակարգերի աշխատանքը։

Քանի որ Եվրոպան մեծացնում է արևային էներգիայից կախվածությունը՝ կլիմայական և էներգետիկ անվտանգության նպատակներին հասնելու համար, աճող մթնոլորտային երևույթը՝ Սահարայի փոշին, դժվարացնում է դա։ Եվրոպական երկրաբանական գիտությունների միության գլխավոր ասամբլեայում (EGU25) ներկայացված նոր հետազոտությունը ցույց է տալիս, որ Հյուսիսային Աֆրիկայից քամու կողմից տեղափոխվող հանքային փոշին ոչ միայն նվազեցնում է ֆոտովոլտային (PV) էլեկտրաէներգիայի արտադրությունը Եվրոպայում, այլ նաև դժվարացնում է դրա ապագայի կանխատեսումը։

Իրենց «Քամու ստվեր. ֆոտովոլտային էներգիայի արտադրությունը Եվրոպայում փոշոտ երկնքի տակ» շնորհանդեսում դոկտոր Գյորգի Վարգան և հունգարական ու եվրոպական ինստիտուտների գործընկերները ցույց են տվել, թե ինչպես է փոշոտ երկինքը խաթարում ֆոտովոլտային կայանքների աշխատանքը և մարտահրավեր նետում առկա կանխատեսման մոդելներին։ Նրանց աշխատանքը, որը հիմնված է 2019-2023 թվականների միջև ընկած ժամանակահատվածում ստացված դաշտային տվյալների վրա, ընդգրկում է ինչպես Կենտրոնական Եվրոպան (Հունգարիա), այնպես էլ Հարավային Եվրոպան (Պորտուգալիա, Իսպանիա, Ֆրանսիա, Իտալիա և Հունաստան):

Հետազոտողները պարզել են, որ ստատիկ աէրոզոլային կլիմատոլոգիաներ օգտագործող ավանդական կանխատեսման գործիքները հաճախ թերի են նման իրադարձությունների կանխատեսման ժամանակ։ Դրա փոխարեն, թիմը խորհուրդ է տալիս գրեթե իրական ժամանակում կանխատեսման մոդելներում ինտեգրել փոշու բեռի և աէրոզոլ-ամպ կապի տվյալները, որը հնարավորություն կտա ավելի հուսալի պլանավորել արևային էներգիայի օգտագործումը և ավելի լավ նախապատրաստվել մթնոլորտային փոշուց առաջացած փոփոխականությանը։

«Աճող կարիք կա դինամիկ կանխատեսման մեթոդների, որոնք հաշվի են առնում ինչպես օդերևութաբանական, այնպես էլ հանքաբանական գործոնները,– նշել է վարգան,– առանց դրանց, ցանցի անարդյունավետության և անկայունության ռիսկը միայն կաճի, քանի որ արևային էներգիան կդառնա մեր էներգետիկ խառնուրդի ավելի մեծ մասը»։

Մթնոլորտային ազդեցություններից բացի, թիմը նաև մատնանշել է փոշու երկարաժամկետ ազդեցությունը արևային վահանակների ֆիզիկական ենթակառուցվածքի վրա, ներառյալ աղտոտումը և էրոզիան՝ գործոններ, որոնք կարող են էլ ավելի նվազեցնելաարևային մոդուլների արդյունավետությունը և մեծացնել սպասարկման ծախսերը։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]