Լրատվամիջոցները թարմացրել են Ուկրաինայի դեմ պատերազմում ռուսաստանյան կորուստների մասին տվյալները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

2022 թվականի փետրվարի 24-ից մինչև 2025 թվականի մայիսի 20-ը Ուկրաինայի դեմ պատերազմում հաստատվել է առնվազն 109 625 ռուսաստանյան զինծառայողի մահ, հայտնում է «Մեդիազոնա»-ն։

2022 թվականի ամռան սկզբից մինչև աշնան կեսերը կորուստների հիմնական բեռը կրել են կամավորները, ինչը զգալիորեն տարբերվում է պատերազմի առաջին փուլի իրավիճակից. ձմռանը և գարնան սկզբին ամենամեծ վնասը կրել են ՕԴՈՒ զորամասերը, ավելի ուշ՝ մոտոհրաձգային զորքերը։

2022 թվականի վերջին և հաջորդ տարվա սկզբին նկատելիորեն աճել են «Վագներ» ՄՌԿ-ի կողմից հավաքագրված բանտարկյալների շրջանում կորուստները։ Նրանցից ձևավորում էին «գրոհային խմբեր»՝ Բախմուտի մատույցներում ուկրաինական դիրքերի վրա հարձակվելու համար։

2023 թվականի մարտին բանտարկյալները դարձել են պատերազմում կորուստների ամենամեծ կատեգորիան։ Բախմուտի գրոհից հետո բանտարկյալների զանգվածային օգտագործման դեպքեր առայժմ չեն եղել։

2024 թվականի սեպտեմբերին կամավորները կրկին դարձել են զոհվածների շրջանում ամենամեծ կատեգորիան։ Սա կապված է կուտակային ազդեցության հետ. այդ պահին բանտերում հավաքագրումը զգալիորեն նվազել էր, նոր զորահավաք դեռևս չէր հայտարարվել, իսկ կամավորների հոսքը ոչ մի օր չէր դադարել։

Հետևեք մեզ՝ այստեղ