Ադրբեջանի դատախազությունը ցանկանում է Abzas Media-ի ղեկավարությանը և լրագրողներին դատապարտել 11 և 12 տարվա ազատազրկման

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանի դատախազությունը «դատարանում» պահանջել է ընդդիմադիր Abzas Media լրատվամիջոցի լրագրողներին դատապարտել 11 և 12 տարվա ազատազրկման, հաղորդում են ադրբեջանական լրատվամիջոցները։

Մասնավորապես, Ադրբեջանի դատախազությունը պահանջել է 12 տարվա ազատազրկման դատապարտել պարբերականի տնօրեն Ուլվի Հասանլիին, Հաֆիզ Բաբալիին և Ֆարիդ Մեհրալիզադեին։

Մյուս մեղադրյալների՝ Սևինջ Աբբասովայի, Նարգիզ Աբսալամովայի, Էլնարա Գասիմովայի և փոխտնօրեն Մուհամմեդ Կեկալովի համար մեղադրանքի կողմը 11 տարվա ազատազրկում է պահանջել։

Քրեական գործի շրջանակում Ուլվի Հասանլին ձերբակալվել է 2023 թվականի նոյեմբերի 20-ին։ Նույն օրը խուզարկվել են նրա տունը և Abzas Media-ի գրասենյակը, որտեղ ենթադրաբար հայտնաբերվել է 40 հազար եվրո։

Նույն օրը ավելի ուշ ձերբակալվել է կայքի փոխտնօրեն Մուհամմեդ Կեկալովը, իսկ նոյեմբերի 21-ի գիշերը գլխավոր խմբագիր Սևինջ Վահիֆգըզին ձերբակալվել է օդանավակայանում՝ արտասահմանից վերադառնալիս։ Այդ գործով ձերբակալվել են նաև լրագրողներ Նարգիզ Աբսալամովան, Էլնարա Գասիմովան և հետաքննող լրագրող Հաֆիզ Բաբալին։

Նրանց մեղադրանք է առաջադրվել Ադրբեջանի քրեական օրենսգրքի 206.4 (կազմակերպված խմբի կողմից կատարված մաքսանենգություն), 192.3.2 (անօրինական ձեռնարկատիրություն, որը կատարվել է առանձնապես խոշոր եկամուտ ստանալու միջոցով), 193-1.3.1 և 193-1.3.2 (հանցավոր ճանապարհով ձեռք բերված գույքի օրինականացում, որը կատարվել է կազմակերպված խմբի կամ հանցավոր կազմակերպության կողմից, խոշոր մասշտաբով), 213.2.1 (կազմակերպված խմբի կողմից կատարված հարկերից խուսափելը), 320.1, 320.2 (պաշտոնական փաստաթղթերի կեղծում, անօրինական արտադրություն կամ վաճառք, գիտակցաբար կեղծված փաստաթղթերի օգտագործում) հոդվածներով։

Հետևեք մեզ՝ այստեղ