Երկու ուղղաթիռներ բախվել են օդում և կործանվել․ Ֆինլանդիա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Սատակունտայի փրկարարական վարչության տվյալներով՝ շաբաթ օրը Ֆինլանդիայի Էուրա քաղաքում վթարի են ենթարկվել երկու քաղաքացիական ուղղաթիռներ, հաղորդում է Yle-ն։

Փրկարարները ուղղաթիռները հայտնաբերել են անտառապատ տարածքում՝ միմյանցից մոտավորապես 100 մետր հեռավորության վրա։ Մինչ այժմ իշխանությունները հրաժարվել են տեղեկություններ տրամադրել հնարավոր զոհերի մասին։

Հետաքննությունների ազգային բյուրոն (NBI) հետաքննում է միջադեպի հանգամանքները։ Արտակարգ իրավիճակների ծառայություններին զանգահարած ականատեսը պատմել է, որ տեսել է երկու ուղղաթիռ, որոնք թռչում էին միմյանց մոտ։

«Հանկարծ ուղղաթիռներից մեկը կտրուկ շարժում կատարեց և բախվեց մյուսին։ Կարճ ժամանակ անց սարսափելի որոտ լսվեց։ Ուղղաթիռներից մեկը քարի պես ընկավ, մինչդեռ մյուսը սկսեց պարուրաձև ներքև սահել։ Դրանից հետո ես ոչինչ չտեսա և չլսեցի։ «Ծուխ չկար», - ասաց Անտի Մարյանենը, ով ականատես էր եղել միջադեպին բակում աշխատանքներ կատարելիս։

Flightradar24 թռիչքների հետևման կայքը հայտնել է, որ վթարի պահին Տալինից թռիչք կատարած երկու ուղղաթիռներ գտնվում էին Էուրա օդանավակայանի մոտակայքում։ Կարճ ժամանակ անց երկու ինքնաթիռներն էլ հանկարծ դադարեցին իրենց դիրքի տվյալների փոխանցումը։

Այս ուղղաթիռներից մեկը գրանցված է Էստոնիայում, իսկ մյուսը՝ Ավստրիայում։ Սակայն չկա որևէ հաստատում, որ սրանք նույն ուղղաթիռներն են, որոնք ներգրավված են եղել վթարի մեջ։ Փրկարարական ծառայությանը ավիավթարի մասին ահազանգը ստացվել է տեղական ժամանակով մոտավորապես ժամը 12:30-ին՝ Էուրա օդանավակայանի մոտակայքում գտնվող ճանապարհին։

Հետևեք մեզ՝ այստեղ