Էլիզ Մելիքյանը առաջին անգամ մեկնաբանել է սիրելիից բաժանվելու, առանձին ապրելու լուրերը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Էլիզ Մելիքյանն ինստագրամյան իր էջում գրառում է արել՝ անդրադառնալով իր և սիրելիի՝ Հարութի բաժանման մասին լուրերին:

«Չգիտեմ՝ ինչքան բնական կարելի է ասել, բայց ուզում եմ կիսվել։ Վերջին շրջանում կյանքումս մեծ փոփոխություններ եղան։ Այլևս ես և Հարութը միասին չենք։ Չկա սկանդալ, չկա սուր պատճառ։ Ուղղակի հասկացանք՝ մեզ համար այլ ճանապարհներ են բացվել։

Ինձ համար շատ բարդ ու խառը փուլ էր, բայց միաժամանակ՝ ինչ-որ տեղ հանգստացնող։ Հիմա առաջին անգամ ապրում եմ առանձին։ Սկզբում վախ կար՝ կկարողանա՞մ, կսովորե՞մ։ Բայց ամեն օր սովորում եմ։

Հաճախ հարցեր եմ ստանում, խոսակցություններ են լինում, մեկնաբանություններ։ Մարդիկ ամեն ինչ ուզում են հասկանալ, վերլուծել կամ դատել։ Բայց ուզում եմ ասել՝ ես հանգիստ եմ իմ մեջ։ Ծնողներս լիովին սատարում են ինձ, ու դա ամենակարևորն է։

Գրում եմ սա ոչ թե որ բացատրեմ, այլ որովհետև սա էլ է կյանքի մի փուլ, ու ես չեմ ուզում ձևանալ, թե ամեն ինչ միշտ նույնն է։ Եթե դու էլ հիմա ապրում ես բարդ փոփոխությունների մեջ՝ ուղղակի հիշիր՝ բնական է, բուժվում է, ու հետո սկսվում է նոր բան»,- անկեղծացել է Էլիզ Մելիքյանը։

Հետևեք մեզ՝ այստեղ