Հայոց ցեղասպանության 110-րդ տարելիցի և Լեհաստանի խորհրդարանի կողմից Հայոց ցեղասպանության դատապարտման մասին բանաձևի 20-րդ ամյակին նվիրված միջոցառումների շրջանակում Վարշավայում Սուրբ երրորդություն եկեղեցում կայացել է Հայկական 4-րդ մշակութային փառատոնը։
Փառատոնը կազմակերպվել է հայ-լեհական հասարակական կոմիտեի նախագահ Հրաչյա Բոյաջյանի նախաձեռնությամբ՝ Լեհաստանի ներքին գործերի և վարչարարության,Հայաստանի կրթության, գիտության, մշակույթի, սպորտի նախարարության, Լեհ-հայկական հիմնադրամի համատեղ ֆինանսավորմամբ, Լեհաստանում հայ առաքելական եկեղեցու, Հայաստանի սփյուռքի հարցերով հանձնակատարի աջակցությամբ։
Միջոցառումն անց է կացվել դեսպանության պատվավոր հովանավորությամբ, ելույթներով հանդես եկան դեսպան Ալեքսանդր Արզումանյանը, Հրաչյա Բոյաջյանը, ներկա էին Լեհաստանում հայ առաքելական եկեղեցու առաջնորդ, Գերշ. Մարկոս եպս. Հովհաննիսյանը, Լեհաստանում Հայ Առաքելական Եկեղեցու հոգևոր հովիվ Հոգեշնորհ Տ. Մինաս աբեղա Հախվերդյանը, Լեհաստանի գիտության և բարձրագույն կրթության փոխնախարար Անջեյ Շեպտիցկին, հայ-լեհական խորհրդարանական բարեկամական խմբի ներկայացուցիչներ։
Համերգի ընթացքում հնչել են հայ և լեհ մեծանուն վարպետների ստեղծագործություններ՝ կոմպոզիտոր Գրիգոր Առաքելյանի ղեկավարությամբ՝ Ռենեսանս Կոն Տուտտի երգչախմբի, Սիլեզիայի կամերային նվագախմբի կատարմամբ։
