Մեծ հաջողության հասած ամենաանհաջող կանայք. լուսանկարներ

Wnews.am-ը գրում է.

Համառություն և աշխատասիրություն: Հաջողության հասնելու ահա երկու գլխավոր պայմանները։ Պատմությանը հայտնի ամենահաջողակ մարդիկ այս հատկությունների շնորհիվ կարողացել են հաղթահարել ամենամեծ անհաջողությունները և հասնել իրենց նպատակին:

Wnews.am-ն առանձնացրել է մեծ հաջողության հասած «ամենաանհաջողակ» կանանց, շատերը նրանց հանդիպած անհաջողություններից հետո թևաթափ կլինեին և այլևս ոչինչ չէին ձեռնարկի: Շատերը, բայց ոչ նրանք:

Ջոնա Ռոուլինգ. Հենց նոր ամուսնալուծված Ռոուլինգը, ով խոսովանում է, որ չափազանց ճնշված էր և չգիտեր ինչպես է միայնակ մեծացնելու երեխային, հին գրամեքենայի վրա հավաքում էր Հարի Փոթերի մասին իր առաջին գիրքը՝ գիշերները երազելով համաշխարհային ճանաչման մասին: Ռոուլինգը 12 մերժում է ստանում, մինչև խմբագիրներից մեկը որոշում է նայել նրա ձեռագիրը՝ ընկերաբար  խորհուրդ  տալով աշխատանք գտնել, քանի որ «մանկական գրքերն այլևս չեն վաճառվում»: Եթե Ռոուլինգը 12 մերժումներից հետո թևաթափ լիներ, աշխարհը երբեք չէր իմանա հրաշագործ տղայի մասին: Թեպետ  Ջոնա Ռոուլինգը համառության առումով ռեկորդակիր չէ: Սթիվեն Քինգի «Քերի» սիրավեպը խմբագիրները մերժել են  30 անգամ: Ի դեպ Ջոնա Ռոուլինգը Forbes-ի ցուցակում առաջատար գրողներից է, տարեկան վաստակելով՝  300 մլն դոլար, նրա կարողությունը  4,5 մլրդ դոլար է:

Օփրահ Ուինֆրի. Հիմա նրա անունը բոլորը գիտեն, արդեն  25 տարի սեփական թոք-շոուն վարող Օփրահն վստահ է. «Հաջողության համար քեզ միայն դու ես  պետք»: 2007-2010թթ անընդմեջ  Forbes-ի ցուցակում նա ընդգրկվել է որպես  ԱՄՆ ամենահեղինակավոր կին:  32 տարեկանում վաստակել է իր առաջին միլիոնը: 2015-ի տվյալներով Օփրահի կարողությունը կազմում է 3 մլրդ: Նա պատմության մեջ առաջին և միակ սևամորթ միլիարդատեր կինն է: Իսկ սկսվել է ամեն ինչ, երբ Օփրահն WJZ հեռուստաընկերությունից հեռացվեց հաղորդման ցածր վարկանիշի պատճառով, խմբագիրը խորհուրդ տվեց նրան փոխել գործը և նիհարել: «Սա իմ առաջին անհաջողությունն էր: Վիրավորանքից ես չէի կարողանում շնչել»,-պատմում է Օփրահն,- ես գիտեի , որ հաջողության ոչ մի գաղտնիք էլ չկա, ուղղակի պետք է շատ աշխատել, ինչպիսի մեծ երազանք էլ դու ունենաս, միակ բանը, որ պետք է անել, աշխատելն է ՝անկախ ամեն ինչից: Յոթ տարի անց ես վերադարձա և ստեղծեցի իմ շոուն, որը հեռարձակվում է 146 երկրներում և եթերում է արդեն 25 տարի»:

Չունենալով որևէ հովանավոր՝ հարուստ ծնողներ, ամուսին, սիրեկան,  Spanx կանացի սպիտակեղենի բրենդի հիմնադիր 29-ամյա Սառա Բլեյկլին, ներդնելով ընդամենը  $5000,  13 տարի անց վաստակեց իր առաջին միլիարդը:  Սառան որոշել էր փաստաբան դառնալ, բայց երկու անգամ էլ չկարողացավ հանձնել քննությունները:

«Ստիպված էի  աշխատել ընկերություններից մեկում որպես օպերատոր: Դա ձանձրալի աշխատանք էր»,- հիշում է նա:

«Երբ որոշեցի բացել իմ ընկերությունը, բոլորն ինձ խելագարի տեղ էին դնում, հատկապես ծնողներս, հայրս ասում էր, որ ինձ մոտ ոչինչ չի ստացվի: Ինձ հետ ոչ ոք չէր ուզում աշխատել: 99%   ինձ մերժում էին, ասելով, որ կանացի ներքնազգեստ արտադրող ընկերությունները չափազանց շատ են, որ ես կարողանամ դիմանալ մրցակցությանը»: Այնուամենայնիվ, Սառա Բլեյկլին հավատում է իր գաղափարին և հանկարծ ստանում իր առաջին պատվերը:

«Երբ քեզ ասում են ոչ, դա ոչինչ չի նշանակում»,-ասում է նա:  Հիմա Spanx սպիտակեղենը վաճառվում է 11 500 խանութներում, աշխարհի 40 երկրներում: Forbes ամսագիրը Սառա Բլեյկլին ներառել է Աշխարհի ամենահեղինակավոր 100 կանանց շարքում: