«Սեր և նարինջներ» ներկայացման պրեմիերան և հայտնի հյուրերը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կ. Ստանիսլավսկու անվան դրամատիկական թատրոնում կայացավ ռեժիսոր Կարո Բալյանի «Սեր և նարինջներ» ներկայացման առաջնախաղը:

Երկար դադարից հետո բեմ վերադարձավ դերասանուհի Մարջան Ավետիսյանն, ով պրեմիերայից առաջ Tert.am Life-ի հետ զրույցում խոստովանել էր, որ չափազանց լարված է, իսկ բարդ ճանապարհը հեշտությամբ է հաղթահարել խաղընկերոջ՝ Մկրտիչ Արզումանյանի օգնությամբ:

Կին-տղամարդ կոնֆիլկտով բեմում Մկրտիչ Արզումանյանի ու Մարջան Ավետիսյանի դուետն անտարբեր չթողեց հանդիսատեսին:

Նախագծի պրոդյուսերը Հռիփսիմե Բասենցյանն է, պիեսը գրել է Նարեկ Ավագյանն, ում գնահատմամբ՝ իր բախտը բերել է, քանի որ սցենարը հայտնվել է ապահով ձեռքերում:

«Ներկայացման գաղափարը վաղուց է ծնվել, երբ տեսա մի ներկայացում, որի սյուժեի սկիզբը շատ նման էր այս ներկայացմանը, ինձ գրավեց կին-տղամարդ կոնֆլիկը ու որոշեցի այլ զարգացումներ ու շարունակութուն մտածել, որի արդյունքում էլ ծնվեց այս ներկայացումը: Այն և՛ կերպարներով, և՛ պատմությամբ տարբերվում է նախորդից»,- Tert.am Life-ի հետ զրույցում՝ ներկայացման պրեմիերայից հետո նշեց Նարեկ Ավագյանը:

Սցենարիստը խոստովանեց, որ սցենարը գրելիս ի սզբանե լավ չի պատկերացրել, թե ովքեր են մարմնավորելու հերոսներին:

«Սա այն եզակի դեպքերից է, որ չկա այդ ափսոսանքը, որ ինչ-որ բան կորեց սցենարից: Երկուսն էլ տաղանդաշատ դերասաններ են, ովքեր հարստացրեցին սցենարս ու միանշանակ կարող եմ ասել, որ այն ապահով ձեռքերում էր: Ի սկզբանե հանգիստ էի այդ առումով ու հիմա էլ արդյունքը տեսա ու համոզվեցի: Այն, ինչ կա քո մտքում, հետո՝ թղթում, կարող է կորչել կամ փչանալ, եթե չկան համապատասխան լավ մարդիկ: Այդ առումով բախտս բերել է: Մնացածը հանդիսատեսը կդատի:

Ներկայացմանը մաղթում եմ բարի երթ, շնորհակալ եմ ողջ անձնակազմին, ովքեր իրականացրեցին այս նախագիծը»,- նշեց Նարեկ Ավագյանը:

Ավելի վաղ, Tert.am Life-ը ներկա է եղել նաև ներկայացման վերջին փորձերին, զրուցել ստեղծագործական թիմի հետ: Հիշեցնենք՝ հաջորդ ներկայացումները տեղի կունենան ապրիլի 22-ին և 25-ին՝  Կ. Ստանիսլավսկու անվան դրամատիկական թատրոնում: