Զգուշացում ծնողներին․ երեխաները վտանգ սպառնացող խաղերով են տարված

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օրեցօր զարգացող տեխնոլոգիաները, անդադար փոփոխվող թրենդները հետաքրքիր են, սակայն շատ ժամանակ էլ իրենցից վտանգ են ներկայացնում։

ArmLur.am-ը տեղեկացավ, որ սոցհարթակներում, հատկապես տիկտոկում, տարածվել են նոր խաղեր, թրենդներ, որը հիմնականում լայն շրջանառվում է երեխաների շրջանում։

Ի՞նչ խաղերի մասին է խոսքը և ինչի՞ց պետք է զգուշանան ծնողները։

Խաղերից մեկը «Կարմիր դուռ, դեղին դուռ, սև դուռ» (Red door, yellow door, black door) խաղն է, որի ընթացքում հավաքվածներից ընտրում են մեկին, ով պառկում է և սկսում են խաղալ վերջինիս քունքերի հետ։ Այդ ընթացքում հարցեր են տալիս և երեխան սկսում է քայլել երևակայական միջանցքներով, տեսնելով տարբեր մարդկանց ու նույնիսկ հոգիների։ Այս ամենն իհարկե լավ հետևանքներ չի ունենում, քանի որ երեխան ընկնում է ծանր հոգեբանական ապրումների մեջ և անգամ՝ կոմայի։

Թե՛ հոգեբանները, թե՛ բլոգերները զգուշացնում են ծնողներին, որպեսզի ուշադիր լինեն երեխաների նամակագրություններին, որպեսզի չպլանավորեն խաղալ այդ խաղը։

Հաջորդ խաղը, որը ևս մեծ աղմուկ է բարձրացրել սոցիալական հարթակներում, այն մասին է, որ երեխային օգնում է փախչել տանից։ Խաղը կոչվում է «Schoolboy runaway»։ Այս խաղն «օգնում» է երեխային փախչել տանից, որպեսզի երեխան կարողանա խուսափել պատժից վատ գնահատականի համար։

Այս խաղը ևս վատագույն հետևանքները կարող է առաջացնել երեխաների համար։

Շատ տարիներ առաջ ևս տարածված են եղել նմանօրինակ խաղեր, երբ երեխաներին անգամ սպառնացել են, որ եթե չկատարեն իրենց հանձնարարությունները, ապա կսպանեն տան անդամներին և ամեն հնարավոր կերպով վնաս կհասցնեն։ Այդպիսով էլ երեխաներին դրդել են ինքնասպանության։

Սոցիալական մեդիան ողողված է զգուշացում-հորդորներով, որ ծնողներն էլ ավելի ուշադիր լինեն, հետևեն երեխաներին և ստուգեն հեռախոսի ծրագրերը, որպեսզի նմանատիպ խաղերի առկայության դեպքում կանխեն մոտալուտ վտանգները։

Աննա Սրապիոնյան

Հետևեք մեզ՝ այստեղ