Մայրը իր երեք երեխաներին դաժանորեն կացնահարելով սպանել է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կրասնոյարսկի շրջանի Կանսկ քաղաքում բնակվող կինը, ով, ըստ քննիչների, կացնահարելով սպանել է իր երեք երեխաներին, չի կարող ցուցմունք տալ իր հոգե-հուզական վիճակի պատճառով։ Այդ մասին «ՌԻԱ նովոստի»-ին հայտնել են մարզային քննչական կոմիտեի մամուլի ծառայությունից։

«Նա հոգե-հուզական վիճակից ելնելով չի կարող ցուցմունք տալ, նրա հետ քննչական գործողություններ իրականացնելն անհնար է»,- ասել է աղբյուրը՝ հավելելով, որ աղջիկը չի հասկանում, թե ինչ է կատարվում իր հետ և ինչ է արել։

Տարածաշրջանային Քննչական կոմիտեն «ՌԻԱ նովոստի»-ին տված պարզաբանմանմամբ հերքել է նաև ԶԼՄ-ներում ավելի վաղ տարածված այն տեղեկությունը, թե աղջիկը չորրորդ երեխային չի սպանել, քանի որ ուժեր չի ունեցել։

«Անհիմն բամբասանքներ են»,-նշել է աղբյուրը։

Երկուշաբթի օրը մարզային քննչական կոմիտեն հայտնել է, որ Կանսկի քաղաքի Գերցենա փողոցում գտնվող առանձնատանը գլխի և մարմնի այլ մասերի կտրած-ծակած վերքերով երեք մահացած երեխա է հայտնաբերվել՝ չորս տարեկան աղջիկ և 7 ամսական և 8 տարեկան տղաներ։ 29-ամյա մոր նկատմամբ առանձնակի դաժանությամբ կատարված սպանության հիմքով գործ է հարուցվել։ Մարզային դատախազությունը հայտնել է, որ բազմազավակ ընտանիքը 2024 թվականի հոկտեմբերից գտնվում է կանխարգելիչ հաշվառման մեջ։ Հորը վարչական պատասխանատվության են ենթարկել յոթամյա որդուն ծեծի ենթարկելու համար։ Մայրը տնային տնտեսուհի է, հաշվառված է հոգեբույժի մոտ։ Իրավապահ մարմինները ՌԻԱ Նովոստիին պարզաբանել են, որ նա պարանոյիկ շիզոֆրենիա ունի։

Տարածաշրջանի դատախազության տվյալներով՝ ողբերգության պահին չորրորդ երեխան՝ յոթամյա տղան, դպրոցում է եղել։ Վերադառնալով տուն՝ նա ականատես է եղել դաժան կոտորածի հետևանքին, ապա մայրը նրան տարել է ծնողների մոտ և պատմել կատարվածը։

Հետևեք մեզ՝ այստեղ