Ստանբուլի Միլաս փողոցում գտնվող քիմիական պահեստում անհայտ պատճառով հրդեհ է բռնկվել։ Տարածքում պայթյուններ են եղել, և կրակը տարածվել է նաև մոտակա մեքենաների վրա։
Հրդեհի վայր են ուղարկվել մի քանի հրշեջ խմբեր։
CNN TURK-ի թղթակից Էմրահ Չաքմաքը դեպքի վայրից հաղորդել է․ «Հրդեհի հետ մեկտեղ պայթյուններ էլ են եղել։ Երկինքը ծածկված էր սև ծխով։ Մի քանի րոպե առաջ ուժեղ պայթյուն է լսվել։ Սա այն վայրն է, որտեղ քիմիական նյութեր են գտնվում։ Մենք կարող ենք տեսնել, թե ինչպես են բոցերը բուռն կերպով բարձրանում դեպի երկինք։ Սա հանդիսանում է արդյունաբերական գոտի։ Մենք պարզեցինք, որ այրվող մեքենաները գտնվել են մոտակա ռեստորանի կայանատեղիում»։
Պայթյունի ժամանակ շրջակա ճանապարհները փակվել են։
Անի Վարդանյան
