Խարդախությունից պաշտպանություն. հակաֆիշինգային ծածկագիրը՝ որպես անվտանգությունն ուժեղացնելու միջոց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թվային տեխնոլոգիաների զարգացման և ինտերնետ սպառնալիքների թվի աճին զուգահեռ խարդախները շարունակում են բարելավել իրենց սխեմաները, այդ թվում՝ SMS ֆիշինգը՝ օգտատերերին խաբելու ամենատարածված մեթոդներից մեկը: Binance-ը օգտատերերին կոչ է անում զգուշավորություն ցուցաբերել և զգուշացնում է նոր խարդախությունների մասին:

Ֆիշինգից պաշտպանվելու արդյունավետ գործիքներից մեկը հակաֆիշինգային ծածկագիրն է, որն այժմ օգտագործվում է SMS հաղորդագրություններում։ Այդ գործառույթը թույլ է տալիս օգտատերերին ստուգել հաղորդագրությունների իսկությունը և նվազեցնում է խարդախության ռիսկը՝ ավելացնելով անվտանգության լրացուցիչ շերտ:

Ի՞նչ է հակաֆիշինգային ծածկագիրը

Ֆիշինգի դեմ ծածկագիրը, դա անհատականացված անվտանգության գործառույթ է, որը թույլ է տալիս ստուգել հաղորդագրությունների իսկությունը և խուսափել խարդախությունից: Ձեր կողմից սահմանված և միայն ձեզ հայտնի այս եզակի ծածկագիր այժմ կներառվի մեր կողմից ուղարկվող բոլոր օրինական SMS հաղորդագրություններում: Այն ծառայում է որպես հուսալի ցուցիչ, որ հաղորդագրությունը իրական է և չի կեղծվել խաբեբաների կողմից:

Ինչպես կարգավորել հակաֆիշինգային ծածկագիրը

Այն ծածկագիրը, որն օգտատերն ինքն է սահմանում, այժմ ներառված է բոլոր պաշտոնական SMS հաղորդագրություններում։ Եթե այն բացակայում է կամ չի համապատասխանում նշվածին, ապա դա կարող է վկայել խարդախության փորձի մասին:

Ինչպես հասկանալ, որ գործ ունենք խաբեության հետ

Խարդախությունից արդյունավետ խուսափելու համար կարևոր է հետևել հետևյալ ուղեցույցներին.
• Ստուգեք ծածկագիրը. եթե հաղորդագրության մեջ նշվածը համընկնում է ձեր սահմանածի հետ, հաղորդագրությունը կարող է համարվել իսկական: Եթե ծածկագիրը չի համընկնում, մեծ է հավանականությունը, որ հաղորդագրությունը կեղծ է:
• Զգույշ եղեք խարդախության նշանների նկատմամբ. խաբեբաները հաճախ կիրառում են շտապողականության մարտավարություն, որպեսզի ձեզ դրդեն իմպուլսիվ գործել: Նման իրավիճակներում կարեւոր է ոչ թե շտապել, այլ նախքան որեւէ գործողություն ձեռնարկելը ուշադիր ստուգել տեղեկատվությունը։
• Մի անցեք SMS հաղորդագրություններում հղումներով: Նույնիսկ եթե հաղորդագրությունը իրական է թվում, դուք չպետք է սեղմեք SMS հաղորդագրություններում նշված հղումների վրա: Փոխարենը, ձեր բրաուզերում ձեռքով մուտքագրեք պաշտոնական կայքի հասցեն՝ կեղծ հարթակներից խուսափելու համար:

Անվտանգության լրացուցիչ միջոցներ
Թեև հակաֆիշինգ ծածկագիրը ձեր պաշտպանության կարևոր բաղկացուցիչն է, կան այլ խորհուրդներ, որոնք կարող են օգնել բարելավել ձեր տվյալների անվտանգությունը.
• Թերահավատ եղեք անսպասելի հաղորդագրությունների նկատմամբ. Զգույշ եղեք, եթե հաղորդագրությունը պահանջում է անհապաղ գործողություն կամ պահանջում է անձնական տեղեկություններ: Խաբեբաները հաճախ օգտագործում են ճնշման տակտիկա:
• Աղբյուրների ստուգում. Միշտ ստուգեք հղումները և պաշտոնական հաշիվները վստահելի գործիքների միջոցով կամ կապվեք աջակցության  կենտրոնի հետ պաշտոնական հարթակի միջոցով:
• Հայտնեք կասկածելի հաղորդագրությունների մասին. Եթե կասկածելի հաղորդագրություններ եք ստանում, խնդրում ենք դրանց մասին հայտնել հաճախորդների սպասարկման կենտրոնին և ձեր բջջային օպերատորին: Ձեր հաղորդագրությունը կարող է կանխել այլ օգտատերերի հետ կապված խարդախությունը:

Եղեք տեղեկացված և պաշտպանված

Ֆիշինգի և SMS խարդախության մեթոդները մշտապես զարգանում են, ինչը կարևոր է դարձնում անվտանգության մասին ձեր գիտելիքների կանոնավոր  թարմացումները: Պաշտպանության նոր մեթոդներին և ընթացիկ խարդախության սխեմաներին ծանոթանալը կօգնի ձեզ ժամանակին հասկանալ սպառնալիքը և խուսափել կորուստներից:
Ձեր անձնական տվյալների պաշտպանությունը, առաջին հերթին, ձեր պարտականությունն է: Խաբեբաները մշտապես ադապտացնում են իրենց մարտավարությունը, սակայն, այնպիսի գործիքների օգտագործումը, ինչպիսին է հակաֆիշինգային ծածկագիրը, մեծապես կբարձրացնի ձեր անվտանգությունը: Որքան շատ պաշտպանական շերտեր կիրառեք, այնքան խաբեբաների համար ավելի դժվար կլինի հաջողության հասնել: 
Եղեք զգոն, տեղեկացեք նոր սպառնալիքների մասին և պաշտպանեք ձեր անձնական տվյալները:

 

 Հետևեք մեզ՝ այստեղ