ՊԱՏՄՈՒԹՅԱՆ ԱՅՍ ՕՐԸ (13 ՄԱՐՏԻ). Գրքի ամենամեծ շուկայի փակումը, Օպերայի հարակից տարածքում գործող սրճարանների ապամոնտաժումը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Գրենադա՝ Հեղափոխության օր, Կանադա՝ Քաղաքացիների տոն, ԱՄՆ-ի Իլինոյս նահանգ՝ Պլուտոնի օր, Թայլանդ՝ Փղերի օր։

ՀԱՅ-ՀԱՅԱՍՏԱՆ

1823- Կարինում կնքվել է թուրք-պարսկական հաշտության պայմանագիրը, որով Բայազետ քաղաքը կրկին հանձնվել է Թուրքիային:

1897- ծնվել է հայ մեծագույն բանաստեղծ Եղիշե Չարենցը։

1908- վարարած Գետառ գետը մեծ վնասներ է գործել Երևանում։

1913- ծնվել է արձակագիր, թարգմանիչ Պարույր Ջոթյանը։

1938 -ԽՍՀՄ-ում ռուսաց լեզուն մտցվել է որպես բոլոր դպրոցների ուսումնական ծրագրի պարտադիր առարկա։

1955 –վախճանվել է բանասեր, պատմաբան, մանկավարժ, հասարակական–քաղաքական գործիչ Արտաշես Աբեղյանը։

1959 - վախճանվել է մաթեմատիկոս Աշոտ Տեր-Մկրտչյանը։

1993 - վախճանվել է ճարտարապետ Սասուն Գրիգորյանը։

2006- «Ա1+»-ը վտարվել է զբաղեցրած տարածքից` պատճառաբանությամբ, որ Ազգային ակադեմիան Լեզվի ինստիտուտը տեղավորելու համապատասխան տարածք չունի։

2008-նախագահ Ռոբերտ Քոչարյանը փոփոխություններ է կատարել արտակարգ դրություն հայտարարելու մասին մարտի 1-ի հրամանագրում, որոնք վերաբերել են լրատվամիջոցների գործունեության սահմանափակումներին:

2008 - ԱԱԾ-ի կողմից հայտնաբերվել և ձերբակալվել է հետախուզման մեջ գտնվող Սասուն Միքայել յանը:

2013- Երևանի մետրոյի «Երիտասարդական» կայարանի գետնանցումում գտնվող Երևանի գրքի ամենամեծ շուկան փակվել է գետնանցման վերանորոգման պատճառով։

2019-Երևանի քաղաքապետարանն սկսել է Օպերայի հարակից տարածքում գործող սրճարանների ապամոնտաժման աշխատանքները, ինչը դրանց աշխատակիցների բողոքի պատճառ է դարձել:

2022- տեղի է ունեցել ՀՀ նորընտիր նախագահ Վահագն Խաչատուրյանի երդմնակալության արարողությունը:

ԱՇԽԱՐՀ

1719 -վախճանվել է գերմանացի ալքիմիկոս Իոհանն Ֆրիդրիխ Բյոտտգերը, որը հայտնագործել է ճենապակու ստացման գաղտնիքը։

1720 -ծնվել է շվեյցարացի բնախույզ և փիլիսոփա Շարլ Բոննեն, որը հայտնագործել է պարտենոգենեզի երևույթը։

1733 -ծնվել է անգլիացի հոգևորական, փիլիսոփա-մատերիալիստ և քիմիկոս Ժոզեֆ Պրիստլին, որը հայտնագործել է թթվածինը և ամոնիակը։

1781- Ուիլիամ Հերշելը հայտնաբերել է Ուրան մոլորակը։

1797- Փարիզի «Ֆեյդո» թատրոնում տեղի է ունեցել «Մեդեա» օպերայի պրեմիերան։

1852 -նյույորքյան «NY Lantern Weekly» թերթը առաջին անգամ հրատարակել է Քեռի Սեմի պատկերը։

1881 - Պետերբուրգի Եկատերինյան ջրանցքի մոտ նետված ռումբից մահացու վիրավորվել է Ռուսաստանի ցար Ալեքսանդր 2-րդը։ Ռումբը նետել էր նարոդովոլցի Իգնատի Գրինևիցկին։

1900 - ծնվել է հույն նշանավոր բանաստեղծ Յորգոս Սեֆերիսը։

1913 –ծնվել է ռուս գրող Սերգեյ Միխալկովը։

1917 -Պետերբուրգում լույս է տեսել «Պետերբուրգի բանվորների և զինվորների դեպուտատների նորություններ» թերթի առաջին համարը (հետագայում և մինչ այժմ՝ «Известия»)։

1920 -Մուրմանսկը Կարմիր բանակի կողմից ազատագրվել է սպիտակգվարդիականներից և ամերիկա-անգլիական ինտերվենտներից։

1921- Մոնղոլիան (նախկինում՝ Արտաքին Մոնղոլիա) հայտարարել է իր անկախությունը Չինաստանից։

1925 -ԱՄՆ-ի Թեննեսի նահանգում արգելվել է դասավանդել Դարվինի էվոլուցիայի տեսությունը։

1954 -ստեղծվել է ԽՍՀՄ-ի պետական անվտանգության կոմիտեն՝ ՊԱԿ-ը (КГБ)։

1967 - ծնվել է կոլումբիացի ֆուտբոլիստ, պաշտպան Անդրես Էսկոբարը, որի սպանության պատճառ է դարձել Աշխարհի առաջնությունում նրա ինքնագոլը։

1971 - վախճանվել է վրացի խորհրդային դերասան Սերգո Զախարիաձեն։

1974 - ծնվել է գերմանական Դի Հեփի ռոք-խմբի երգչուհի Մարտա Յանդովան։

1979 -գործողության մեջ է մտել եվրոպական դրամական համակարգը։

1988-բացվել է ամենաերկար ստորջրյա թունելը՝ Սեյկանը (53,85 կմ, Ճապոնիա, Հոնսյու - Հոկայդո կղզիները կապող)։

1989- Միջուկային հետազոտությունների եվրոպական կազմակերպության աշխատակից Թիմ Բեռներս-Լին և իր գործընկերները հիմնել են համաշխարհային սարդոստայնը (WWW)։

2004- Նյու Յորքի «Մետրոպոլիտեն օպերայի» բեմում հանրահայտ տենոր երգիչ Լուչիանո Պավարոտին տվել է իր հրաժեշտի համերգը։

Մանրամասները՝ «Փաստ» օրաթերթի այսօրվա համարում