Ռումինիայի նախագահի թեկնածուի կողմնակիցները հակակառավարական խոշոր ցույց են կազմակերպել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռումինիայի ծայրահեղ աջ քաղաքական ուժերը մեծ հանրահավաք են կազմակերպել Բուխարեստի կենտրոնում, որին ներկա է եղել նախագահի թեկնածու Կելին Ջորջեսկուն, ցույցի ժամանակ բախումներ են տեղի ունեցել ոստիկանության հետ, գրում է «Европейская правда»-ն։

AUR-ի համախոհները, որոնց միացել էին գաղափարական դաշնակիցները եվրոպական մի քանի երկրներից, սկզբում հավաքվել են Համալսարանի հրապարակում, որտեղից գնացել են Հաղթանակի հրապարակ և միացել մյուսներին։

Ռումինների միավորման դաշինքը (AUR), Ջորջեսկուի կողմնակիցները և Երիտասարդական կուսակցությունը հակակառավարական բողոքի ցույց են կազմակերպել Բուխարեստի կենտրոնում։ Ներկա էին Ջորջեսկուն՝ կնոջ հետ և AUR-ի առաջնորդ Ջորջե Սիմիոնը։

Ցուցարարների և ոստիկանների միջև բախումներ են սկսվել, երբ ոմանք փորձել են ճեղքել իրավապահների կողմից տեղադրված պատնեշները, գրում է Digi24-ը։

Փետրվարի 28-ին երկրի խորհրդարանը կանխատեսելիորեն մերժեց Ռումինիայի վարչապետ Մարչել Չոլակի կառավարությանն անվստահություն հայտնելու քվեն, որը նախաձեռնել էին երեք ծայրահեղ աջ կուսակցությունները։

Այս շաբաթ Ջորջեսկուին ձերբակալել էին դատախազությունում հարցաքննության համար, որից հետո նա ազատ է արձակվել երկրից դուրս գալու արգելքով։

Ռումինիայի դատախազությունը պահանջում է կալանավորել Ջորջեսկուի հետ կապ ունեցող ևս 20 մարդու։

Ռումինիան քաղաքական քաոսի մեջ խորասուզվեց անցյալ տարվա վերջին, երբ Ջորջեսկուն՝ ռուսամետ, ծայրահեղ աջ առաջնորդ և ՆԱՏՕ-ի նկատմամբ հոռետես քաղաքական գործիչը, հաղթեց նախագահական ընտրությունների առաջին փուլում և երկրորդ փուլում պետք է պայքարեր ռեֆորմիստ Ելենա Լասկոնիի հետ:

Սակայն Սահմանադրական դատարանը չեղյալ հայտարարեց նախագահական ընտրությունների առաջին փուլի արդյունքները՝ հայտարարելով «դրանց արդյունքների վրա ազդելու նպատակով ռուսաստանյան ենթադրյալ գործողության» մասին։