«Աշխարհը սարսռեցնող տեսարան». բրիտանական լրատվամիջոցները բուռն արձագանքել են Թրամփի եւ Զելենսկու սկանդալին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Շաբաթ օրը բրիտանական թերթերի առաջին էջերում գերիշխել են Օվալաձեւ աշխատասենյակում սկանդալային բանակցությունների աննախադեպ տեսարանները, եւ բոլոր պարբերականները սարսափահար են տեղի ունեցածից, գրել է The Guardian-ը։

«Աղետալի» եւ «ստոր» տերմիններն օգտագործվել են՝ նկարագրելու համար այն հանդիպումը, որտեղ Դոնալդ Թրամփը եւ փոխնախագահ Ջեյ Դի Վենսը բացահայտ հայհոյել են Ուկրաինայի նախագահ Վլադիմիր Զելենսկուն։

The Guardian-ը մեջբերել է Դոնալդ Թրամփին. «Դուք խաղում եք Երրորդ համաշխարհային պատերազմի հետ»՝ «աղետալի» որակելով ԱՄՆ եւ Ուկրաինայի նախագահների հանդիպումը:

Առանձին ակնարկում լրագրող Դեւիդ Սմիթը գրել է, որ «Թրամփն ուրբաթ օրը ականատես եղավ ժամանակակից պատմության ամենամեծ դիվանագիտական​​աղետներից մեկին»:

Daily Mail-ը երկու երկրների ղեկավարների հանդիպումն անվանել է «աշխարհը սարսռեցնող տեսարան» եւ գրել, որ «Օվալաձեւ աշխատասենյակում սկանդալի ժամանակ կատաղած Թրամփը ուղիղ եթերում նվաստացնում է Զելենսկուն»։

Financial Times-ը հոդված է հրապարակել՝ «Զելենսկու բանակցությունները Սպիտակ տանը խափանվել են կատաղության մոլուցքով» վերնագրով, որտեղ ասվում է, որ Թրամփի առաջարկած հանքային գործարքը մնացել է չստորագրված:

The Times-ը երեկոն որակել է որպես «խռովություն Օվալաձեւ աշխատասենյակում», ինչպես նաեւ ուշադրություն է հրավիրել Թրամփի այն մեկնաբանության վրա, որ Զելենսկին «վտանգում է երրորդ համաշխարհային պատերազմ սկսել»:

Հանդիպումից լուսանկարներ են հրապարակվել առաջին էջում։ Առաջին երեք կադրերում նախագահները վիճում են, իսկ վերջինում Թրամփն ու Զելենսկին նստած են իրարից հեռու։

The Independent-ը գրել է, որ «Թրամփը դարան էր պատրաստել Զելենսկու համար»՝ հանդիպումն անվանելով «աղետալի վատ գագաթաժողով»։

 Հետևեք մեզ՝ այստեղ