Պետք չի արցախցիներին բնակարան տալ սեփականության իրավունքով, պետք է տալ օգտագործման իրավունքով. Ալավերդյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կառավարությունում անգրագետ մարդ չկա, մենք պետք է ազնիվ լինենք ինքներս մեզ հետ և չփնտրենք մութ սենյակում կատու, որը այդտեղ չի եղել երբևիցե։ Այս մասին այսօր՝ փետրվարի 18-ին կայացած քննարկմանն ասաց Հայաստան առաջին ՄԻՊ Լարիս Ալավերդյանը:

«Երկրորդը, ո՞րն է լուծումը, արդյո՞ք իրենք տեղյակ էին՝ ինչ պիտի անեին։ Այո, դեռ 2023 թվականին մի խումբ արցախցիների հետ գրավոր ձևով մենք առաջարկել ենք: Միջազգային պրակտիկան ունի այդպիսի ձևակերպում՝ Genocide Survivors, ցեղասպանությունը վերապրածներ: Բոլոր նրանք, ովքեր լքել են, թողել են աշխատանքը, աշխատաավայրը և այլն, դրանք ցեղասպանությունը վերապրածներ են, բոլոր 150 000-ը: Եթե նույնիսկ մարդը շուտ է դուրս եկել, բայց չունի հնարավորություն վերադառնալու, վերջ, նա Genocide Survivor է: Հիմա եթե մենք՝ իրավաբաններս, հոգեբանները, քաղաքական գործիչները, հստակեցնեք, թե մենք ինչի համար ենք պայքարում, մենք կհասնենք դրան:

Բայց տեսեք Շուշի ու Հադրութ թողած 30 000 արցախցիներ երեք տարի պայքարում են փախստականի կարգավիճակ ստանալու համար:

Եթե մենք խոսում ենք կազմակերպված պայքարի մասին, մենք ինքներս պետք է մեզ բնութագրենք որպես Genocide Survivors, անկախ նրանից, թե մարդը լավ է ապրել, թե վատ»,-ասաց նա:

Անդրադառնալով արցախցիներին Հայաստանում բնակարաններով ապահովելու խնդրին, Լարիսա Ալավերդյանը նկատեց, որ ոչ մի հարուստ երկիր չի դնում նպատակ, որ ամեն մի ընտանիք լինի սեփականատեր. «Հարցը լուծվում է սոցիալական բնակարան տրամադրելով։ Արցախցիներին չպիտք է այստեղ սեփականության իրավունքով տրամադրվի բնակարան, իրենց պետք է տրամադրվի բնակարան օգտագործման իրավունքով։

Սոցիալական բնակարանաշինությունը այն է, որ բնակարանների տերը պետությունն է կամ կառավարությունը, իսկ քաղաքացին, չքաղաքացին, փախստականը, միգրանտը միայն օգտվում է օգտագործման իրավունքից՝ մուծելով մինիմալ գումար»,- ընդգծեց Լարիսա Ալավերդյանը:

 Հետևեք մեզ՝ այստեղ