1 անձ զոհվել է 9-ը՝ ստացել տարբեր աստիճանի մարմնական վնասվածքներ․ ՆԳՆ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ըստ ոստիկանության օպերատիվ հաղորդագրությունների ամփոփագրերի՝ փետրվարի 13-ից 14-ը ՆԳՆ ոստիկանության ստորաբաժանումները բացահայտել են հանցագործության 147 դեպք, որոնցից 4-ը՝ նախկինում կատարված:

Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 43, թմրանյութի հայտնաբերման՝ 23, պաշտոնեական կեղծիքի կամ անփութության` 9, մարմնական վնասվածք պատճառելու և խարդախության՝ 8-ական, ֆիզիկական ներգործության՝ 7, հոգեկան ներգործության ու պարտադիր զինվորական զորակոչից խուսափելու՝ 5-ական, անձնական ունեցվածքի գողության, ապօրինի ձեռնարկատիրական գործունեության և խուլիգանության՝ 3-ական, շորթման, զենք-զինամթերքի առգրավման, կեղծ փաստաթղթի ու ինքնավնասման՝ 2-ական, սեքսուալ բնույթի բռնի գործողության, կողոպուտի, բնակարանային գողության, կաշառակերության, պաշտոնատար անձի ծառայողական գործունեությանը միջամտելու, թմրանյութի իրացման, անձնական կամ ընտանեկան կյանքի գաղտնիությունը խախտելու, հետամտելու, ինքնիրավչության, աշխատանքի պաշտպանության կանոնները խախտելու և երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու՝ 1-ական դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 2, խարդախության և մարմնական վնասվածք պատճառելու՝ 1-ական դեպք։

Հայտնաբերվել է 6 հետախուզվող։

Գրանցվել է զենք-զինամթերքի կամավոր հանձնման՝ 1 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 7 պատահար․ 1 անձ զոհվել է․ 9-ը՝ ստացել տարբեր աստիճանի մարմնական վնասվածքներ։

 Հետևեք մեզ՝ այստեղ