Մերձավանում զինված հարձակումից տnւժածը դեռ հիվանդանոցում է. ի՞նչ վիճակում է նա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մերձավանում զինված հարձակումը բուռն քննարկումների թեմա էր դարձել․ փետրվարի 5-ի գիշերն ուշ ժամի մի խումբ անձինք եկել էին Մերձավանի ՔՊ-ական վարչական ղեկավար Մհեր Ախտոյանի մոտ «ռազբոռկայի»։

Մհեր Ախտոյանը կիզակետում է եղել, բայց MediaHub-ին պատմել էին, որ երբ տեսախցիկով տեսել էր, որ իրենց կողմից ծեծի ենթարկված անձինք արդեն զենքով են գալիս իրենց վրա, արագ թաքնվել էր տան մեջ, որ կրակելիս իրեն չդիպչի: Արդյունքում, կրակոցներից զոհվել է իր հորաքրոջ տղան՝ 29-ամյա Գրիգոր Օհանյանը, որի ծննդյան տարեդարձն էին նշում այդ օրը:

Բացի այս, Ախտոյանի մերձավորներից մեկն էլ վիրավորվել էր. մամուլում գրվել էր, որ Ն․ Նալբանդյանը նստատեղի շրջանում ստացել է հրազենային վնասվածք և տեղափոխվել «Վաղարշապատ» բժշկական կենտրոն։ 

MediaHub-ը կապ հաստատեց «Վաղարշապատ» բժշկական կենտրոնի հետ, պարզելու թե ինչպե՞ս է Նալբանդյանի առողջական վիճակը: Պարզվեց, որ նա դեռ հիվանդանոցում է։

«Դեռ պառկած է, բարելավումով է, նորմալ է»,- նշեցին ԲԿ-ից։

Նաև մեր զրուցակիցը հավաստիացրեց, որ կյանքին վտանգ չի սպառնում:

Ավելի վաղ ՔԿ-ից մեզ հայտնել էին, որ Մերձավանում տեղի ունեցած դեպքի վերաբերյալ՝ 3-ի նկատմամբ որպես խափանման միջոց կիրառվել է կալանքը, 3-ի նկատմամբ՝ տնային կալանքը, բայց ՔՊ-ական Ախտոյանին մեղադրանք չի առաջադրվել։

Ախտոյանը, հիշեցնենք, 2018-ից հետո իր շրջապատի հետ միասին կտրուկ դարձել են նիկոլական և ՔՊ-ի մոլի աջակից, ինչը նկատելի է նաև Ախտոյանի ֆեյսբուքյան էջից: Հենց դրա  հաշվին էլ Մհեր Ախտոյանը դարձել է Մերձավանի վարչական ղեկավար: MediaHub-ին ասացին, որ վերջին շրջանում Մհերը մտել էր ՔՊ-ական պատգամավորների, մասնավորապես, Հայկ Սարգսյանի հետ սեղան նստող ու մտերմություն անող «Չաղ Ռուստամ» մականունով հայտնի Ռուստամ Ստեփանյանի «թևի տակ» և նրա մարդկանցից էր համարվում:

Ռուստամ Ստեփանյանը, հիշեցնենք, իշխանափոխությունից հետո աչքի է ընկել մի շարք քրեական պատմություններով, և հիմա էլ «նստած» է քրեական հեղինակություն Ֆազի սպանությունը պատվիրելու մեղադրանքով:

Քաղաքական առումով էլ, ասացին, Մհեր Ախտոյանին հովանավորում կամ, այսպես ասած, «կռիշավատ» է անում Աշխատանքի և սոցիալական հարցերի «կուլտուրական» ու «ինտելիգենտ» նախարար Նարեկ Մկրտչյանը, որը հենց Փարաքարից է և 2018 թվականից հետո իր տարածքում զբաղեցրած դիրքի հաշվին դարձել է «հարց լուծող» տղա:

 Հետևեք մեզ՝ այստեղ