Սուրբ ծնունդը՝ կրակահերթերի ուղեկցությամբ, ապաստարաններում. ի՞նչ իրավիճակ է տիրում Իսրայելում այս պահին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հունվարի 18-ին Իսրայելի կառավարությունը հավանություն տվեց «ՀԱՄԱՍ» խմբավորման հետ հրադադարի համաձայնությանը: Հանդիպումը տևել է 7 ժամ։ Տեղական լրատվամիջոցների փոխանցմամբ՝ գործարքին կողմ է քվեարկել 24 նախարար, դեմ՝ 8-ը։

Mediahub-ը կապվեց նաև Իսրայելի հայ համայնքի ներկայացուցիչների հետ՝ առաջին ձեռքից տեղեկանալու, թե ի՞նչ վիճակ է այժմ:

«Գիշերը նիստ է եղել, որոշել են համաձայնությունը ստորագրել ու չնայած դրան, մոտ 2 ժամ առաջ Եմենի հութիները կրկին սկսել են կրակահերթերն ու շաբաթ օրով, մարդիկ կրկին ստիպված են եղել տեղափոխվել ապաստարաններ»,- մանրամասնեց մեր հայրենակիցը: 

Նշենք, որ այսօր Իսրայելում քրիստոնյանները նշում են նաև Սուրբ ծննդյան տոնը (հին տոմարով): Մեր զրուցակիցը հայտնեց նաև, որ մարդկանց մեծ մասը չի կարողացել մասնակցել տոնակատարությանը՝ ռազմական իրավիճակի պատճառով:

«Մարդկանց միայն փոքր զանգվածներ են կարողացել գնալ Բեթղեհեմ (Հիսուս Քրիստոսի ծննդավայր): Հիմնականում հոգևորականներն են եղել: Կենտրոնից ավտոբուսներ չեն եղել, հյուսիսից տեղյակ չեմ»,- նշեց մեր զրուցակիցը:

Նշենք, որ վերը նշված համաձայնագիրն ավելի վաղ հաստատվել էր Իսրայելի ռազմական կաբինետի կողմից ևս: Այժմ, ըստ պայմանավորվածության, «ՀԱՄԱՍ»-ը պետք է ազատ արձակի 33 պատանդի առաջին փուլում՝ 42 օրվա ընթացքում։ Սպասվում է, որ առաջին երեք պատանդները կազատվեն արդեն վաղը՝ հունվարի 19-ին։ Փոխարենը Իսրայելը խոստացել է ազատ արձակել հարյուրավոր պաղեստինցի բանտարկյալների. յուրաքանչյուր քաղաքացիական պատանդի դիմաց՝ 30, և յուրաքանչյուր գերեվարված զինվորի դիմաց՝ 50 մարդ: 

MediaHub-ն ավելի վաղ գրել էր, որ ԱՄՆ-ի աջակցությամբ, 15 ամիսներ տևած բանակցություններից հետո Հրադադար է կնքվել Եգիպտոսի և Կատարի միջնորդությամբ: 

 Հետևեք մեզ՝ այստեղ