Կալիֆորնիայի անտառային հրդեհները կարող են բռնկված լինել Ամանորի հրավառությունից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

The Washington Post-ը հայտնել է, որ Լոս Անջելեսի շրջանի Պալիսադես շրջանում բռնկված հրդեհը կարող է առաջացած լինել Ամանորի գիշերը հրավառության պատճառով: Հրատարակությունը վերլուծել է ֆոտո, վիդեո և ռադիոնյութեր, ինչպես նաև արբանյակային պատկերներ և ականատեսների հետ հարցազրույցներ, որոնք վկայում են քամոտ եղանակի պատճառով հին հրդեհի վերսկսման հավանականության մասին:

Խաղաղօվկիանոսյան Պալիսադես շրջանում սկզբնական հրդեհը սկսվել է հունվարի 1-ի գիշերը և մարվել չորս ժամվա ընթացքում։ Այն մեկուսացվելուց հետո Լոս Անջելեսի շրջանի հրշեջ վարչությունը խոստացել է միջոցներ ձեռնարկել երկրորդ հրդեհը կանխելու համար։ Սակայն անձնակազմի պակասի և այլ միջադեպերին արձագանքելու անհրաժեշտության պատճառով հրշեջներին չի հաջողվել լիովին վերահսկել իրավիճակը:

Իշխանությունները դեռ չեն պարզել հրդեհի ճշգրիտ պատճառը, սակայն տեղի բնակիչները վստահ են, որ հրավառությունը եղել է իրավիճակի կատալիզատորը:

Հունվարի 7-ին սկսված անտառային հրդեհները դարձել են ամենակործանարարը պետության պատմության մեջ՝ այրելով ավելի քան 16 հազար հեկտար, զոհվել է 24 մարդ և ավերվել է ավելի քան 12 հազար 300 շինություն, այդ թվում՝ հայտնիների թանկարժեք տներ:

Ավելի վաղ հաղորդագրությունները ենթադրում էին, որ Լոս Անջելեսի օկրուգում զանգվածային անտառային հրդեհները կարող են առաջացած լինել էլեկտրահաղորդման լարերի ընկնելու պատճառով, ասել է Edison International կոմունալ ընկերության ներկայացուցիչը:

Մինչդեռ ամերիկացի ձեռներեց Իլոն Մասկը կասկած է հայտնել, որ Կալիֆորնիայում ավերիչ հրդեհների պատճառը կլիմայական փոփոխություններն են կամ տեղիիշխանությունների անգործությունը՝ նշելով, որ Տեխասում իրավիճակն այլ է։

 Հետևեք մեզ՝ այստեղ