Պատուհանը ջարդեցի, տատիին դուրս հանեցի․ հրդեհի հետևանքով տատ ու թոռ հայտնվել են դրսում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նոր Խարբերդի ամառանոցների տներից մեկում դեկտեմբերի 30-ին բռնկված հրդեհի հետևանքով տատ ու թոռ հրաշքով են փրկվել։

70-ամյա Ժենյա Մուրադյանը News.am-ի հետ զրույցում պատմեց, որ դեկտեմբերի 29-ի գիշերը թոռը աշխատանքից եկել է տուն, մի փոքր զրուցել են, ապա պառկել են քնելու։ Ժամեր անց ծխի հոտ է զգացել և արթնացրել կողքի սենյակում քնած թոռանը։

«Եթե 2 րոպե ուշ արթնանայինք, Սուրենիս հետ չկայինք։ Թոռս պատուհանը ջարդեց, ինձ դրեց պատուհանագոգին, ասեց՝ տատի, մի կերպ թռի, թե ոնց եմ թռել, չգիտեմ։ Սուրենս ուզեց 2-րդ անգամ մտնել, բայց չկարողացավ, արդեն ծուխը աչքերը փակեց։ Թոռնիկիս ծնված օրից ես եմ պահել, ինքը հայր չունի, ես եմ պահել, ասում էի՝ ոնց որ իմ պուճուր տղեն լինես»,- ասաց տարեց կինը։

22-ամյա Սուրենն էլ ցույց տվեց տան մոխրացած սենյակները, ապա նշեց, որ թեև քննություն չի իրականացվել, թե ինչի հետևանքով է հրդեհ բռնկվել, սակայն նկատել է, որ կրակը տարածվել է տանիքից։

Ժենյա տատն ու իր թոռը բնակվում են Նոր Խարբերդի ամառանոցներ 3-րդ փողոց 89/26 տանը։ Նրանք դիմել են թաղապետարան, բայց դեռ աջակցություն չեն ստացել, հույս ունեն, որ կգտնվեն բարերարներ, որոնք որևէ օգնություն կտրամադրեն։

Ընտանիքին օգնել ցանկացողները կարող են կապ հաստատել նշված հեռախոսահամարով՝ 091623888։

Մանրամասները՝ տեսանյութում

Նարեկ Խաչատրյան

 Հետևեք մեզ՝ այստեղ