Ձերբակալված լրագրողների թվով Ադրբեջանը եվրոպական երկրների առաջին հնգյակում է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանը եվրոպական այն հինգ երկրներից մեկն է, որտեղ ամենաշատն են լրագրողներ ձերբակալվում։ Այս մասին ասվում է Լրագրողների միջազգային ֆեդերացիայի (IFJ) տարեկան զեկույցում։

Հետազոտության համաձայն՝ 2024թ․  ամբողջ աշխարհում ձերբակալվել է 516 լրագրող։ Նախորդ տարիների համեմատ կտրուկ աճ է գրանցվել՝ 2023-ին՝ 427, 2022-ին՝ 375։

Չինաստանը շարունակում է մնալ լրագրողների ամենամեծ բանտը, որտեղ բանտարկված են լրատվամիջոցների 135 աշխատակիցներ: Սրան հաջորդում են Իսրայելը՝ 59 պաղեստինցի լրագրող, Մյանման՝ 44 մեդիաաշխատակից։

Ադրբեջանում ներկայումս բանտում է գտնվում 25 լրագրող․ մեկ այլ ադրբեջանցի լրագրող Աֆղան Սադիգովը Բաքվի պահանջով ձերբակալվել է Վրաստանում։

Ձերբակալված լրագրողների թվով Ադրբեջանը Եվրոպայում երկրների առաջին հնգյակում է  Ռուսաստանի (38 + 28 կալանավորված ուկրաինացի լրագրող), Բելառուսի (30) և Թուրքիայի հետ (20) միասին։

2024թ․ աշխարհում սպանվել են 122 լրագրողներ և լրատվամիջոցների աշխատակիցներ, որոնցից 14-ը՝ կանայք։ Ֆեդերացիան նախորդ տարին գնահատել է որպես լրագրողների համար ամենամահաբերներից մեկը: Զեկույցի համաձայն՝ Մերձավոր Արևելքում և արաբական աշխարհում սպանվել է 77 լրագրող։ Աֆրիկայում սպանվել է լրատվամիջոցների 10 աշխատակից, Ամերիկայում՝ 9, Եվրոպայում՝ 4։

IFJ-ը վերահաստատել է Լրագրողների պաշտպանության մասին ՄԱԿ-ի Միջազգային կոնվենցիայի ընդունման հրատապ անհրաժեշտությունը:

 Հետևեք մեզ՝ այստեղ