Հունվարը կլինի բավականին տաք, առաջին տասնօրյակը կլինի բացարձակ առանց տեղումների. Գագիկ Սուրենյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հունվարը նույնպես կանխատեսվում է տաք և բավականին տաք, ամսական միջին ջերմաստիճանը կանխատեսվում է նորմայից բարձր՝ Հանրապետության ողջ տարածքում մոտ երեքից հինգ աստիճանով, տեղումների քանակը նորմայից պակաս։

Այս մասին հրավիրված ասուլիսին ասաց Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը:

Նա ներկայացրեց Հանրապետությունում սպասվող առավելագույն և նվազագույն ջերմաստիճանները։

«Այսպիսով, տաք օդի ալիքների դեպքում, որ ամսվա ընթացքում բավականին շատ կլինեն, հատկապես հունվարի առաջին տասնօրյակում, Շիրակում ջերմաստիճանը ցերեկային ժամերին կբարձրանա մինչև 3-ից 7 աստիճան, զրոյից բարձր, Կոտայքի լեռնային գոտիներում՝ 4-ից 7 աստիճան, նախալեռնային հատվածներում՝ 8-ից10 աստիճան, Գեղարքունիքում՝ 4-8 աստիճան, Լոռիում՝ ցերեկային ժամերին կգրանցվի առանձին օրերին մինչև 12-ից 15 աստիճան տաքություն, Տավուշում՝ 14-ից 18 աստիճան տաքություն, Արագածոտնի լեռնային գոտում՝ 4-ից 7, նախալեռնային հատվածներում 6-ից 10։

Արարատյան դաշտում կարձանագրենք 9-ից մինչև11 աստիճան տաքություն, Վայոց ձորի լեռնային գոտիներում՝ 4-ից 8, նախալեռնային հատվածներում՝ 10-ից 12, Սյունիքի հովտային գոտում՝ մինչև 16-ից 20, նախալեռնային հատվածներում՝ մինչև 12-ից 16 և Երևանում՝ 9-ից 11 աստիճան տաքություն: Սա առանձին օրերին և տաք օդային զանգվածների ներխուժման դեպքում»,- ասաց նա։

Ապա նա ներկայացրեց նվազագույն ջերմաստիճանները, որը կլինի մոտ մեկ-երկու օր ցուրտ օդի ալիքների ներխուժման դեպքում:

«Շիրակում՝ -14-ից 18 աստիճան, Կոտայքի լեռնային գոտիներում՝ -12-ից 16 աստիճան, Կոտայքի նախալեռնային հատվածներում -7-ից -10, Գեղարքունիքում 14-ից 17, Լոռիում 11-ից15, Տավուշում -6-ից -10, Արագածոտնի լեռնային գոտիներում՝ -14-ից -17, նախալեռնային հատվածներում՝ -7-ից -10: Արարատյան դաշտում նույնպես կանխատեսվում է ամենացածր ջերմաստիճանը -7-ից, -10: Դա շատ փոքր ցուցանիշ է, մենք ունեցել ենք հունվարներ, երբ  Արարատյան դաշտում ջերմաստիճանն իջել է մինչև 31 աստիճան։ Վայոց Ձորի լեռնային գոտիներում սպասում ենք ամենացածրը՝ -12-ից -15, նախալեռնային հատվածներում -6-ից -10, Սյունիքի հովտային գոտիներում՝ -4-ից -7, նախալեռնային հատվածներում՝ 12-ից 15 և Երևանի ամենացածր ջերմաստիճանը ընդամենը կանխատեսվում է -8-ից -10 աստիճան»,- տեղեկացրեց նա։

Սուրենյանի տեղեկացմամբ՝ տոնական օրերին սպասում ենք, որ առաջին տասնօրյակը հունվարի կլինի բացարձակ առանց տեղումների, Հանրապետությունում հիմնականում կգերակշռեն հարավ-արևմտյան տաք օդային հոսանքները, պարզ երկնքով պայմանավորված, ճիշտ է գիշերային ժամերին կարելի է ասել երկրի ողջ տարածքում կունենանք բացասական ջերմաստիճաններ, բայց ցերեկային ժամերին նույնիսկ լեռնային շրջաններում կգրանցվեն դրական ջերմաստիճաններ։

«Մայրաքաղաքում գիշերային ժամերին հիմնականում հունվարի առաջին տասնօրյակում կգրանցվի -2-ից -4 աստիճան, իսկ ցերեկային ժամերին կունենանք 6-ից 8 աստիճան տաքություն և կլինի պարզ երկինք առանց տեղումների եղանակ»,- ասաց նա:

Հետևեք մեզ՝ այստեղ