Բյանկա Սենսորին եւ նրա սկանդալային ոճը. 2024-ի ամենաբաց կերպարները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ամենաքիչ գործվածք, առավելագույն քննարկումներ՝ այսպես կարելի է բնութագրել Բյանկա Սենսորիի 2024թ. հայտնությունները հանրությունում։

Այս տարի Քանյե Ուեսթի կինը որոշել է հրաժարվել քաղաքակրթության բարիքներից մեկից՝ ներքնազգեստից, եւ որտեղ էլ որ հայտնվել է, որպես կանոն՝ միշտ հագնված ամուսնու հետ, ցնցել է շրջապատին հասարակությունում իր յուրաքանչյուր հայտնությամբ։

Մեկ անգամ չէ, որ 29-ամյա Բյանկան ցնցել է փարիզցիներին՝ Ֆրանսիայի մայրաքաղաքի փողոցներում հայտնվելով մեկ թափանցկ զուգագուլպաներով, մուշտակով ու առանց ներքնազգեստի, մեկ կապրոնե սեւ տոպով եւ զուգագուլպաներով, եւ նորից առանց ներքնազգեստի։

Իսկ PROTOTYPES Menswear-ի գարուն/ամառ 2025թ. ցուցադրությանը Փարիզում նա փայլել է ոչ միայն վառ վարդագույն մազերով, այլեւ իր անթաքույց բաց ձեւերով, միայն մարմնագույն բոդիով եւ գուլպաներով ու բարձրակրունկ կոշիկներով։

«Զուրկ» չեն մնացել նաեւ Լոս Անջելեսի բնակիչները, որտեղ Բյանկան շարունակել է ուշադրություն գրավել իր բաց եւ լայն հանդերձներով՝ բաղկացած թափանցիկ կտորներից, եւ ներքնազգեստի բացակայությամբ։

Հիշարժան են, իհարկե, նաեւ նրա նեոնային-կանաչ զուգագուլպաները, որոնք «բացահայտում» են նրա հետույքի վերին մասը, եւ թափանցիկ բոդին՝ համարձակ բացվածքով։

Բայց մենք եւ Լոս Անջելեսի փողոցները չենք մոռանա նաեւ արծաթավուն մինի-բիկինի կրծկալը՝ մի քանի չափս փոքր, եւ մարմնագույն վարտիքը։ Բավական համարձակ հանդերձանք բարբեքյու-ռեստորանում ճաշելու համար։

Ամուսնու հետ ժամադրության ժամանակ Բյանկան հագնվել է՝ իրեն հավատարիմ մնալով և առանձնապես ընտրությամբ չանհանգստանալով: Օրինակ, հիշենք սեւ ժանեկազարդ կրծկալով ցնցող կերպարը, որը, ըստ երեւույթին, նա կրում է միայն որպես զգեստապահարանի առանձին հագուստ, եւ մարմնագույն ժանեկազարդ զուգագուլպաները:

Կամ, օրինակ, նրա թափանցիկ զգեստը՝ պատրաստված շատ բարակ փայլուն գործվածքից, որը ոչ մի կերպ չէր փորձում ինչ-որ բան ծածկել, ընդհակառակը, ընդգծում էր այն ամենը, ինչ կարելի էր ընդգծել։

Ի դեպ, Բյանկա Սենսորիի ամենաէքստրեմալ կերպարներից մեկը նույնպես ամուսնու հետ դուրս գալու համար էր, այն էլ՝ նույն Փարիզում։ Ռեփերի հետ ընթրիքի ժամանակ նա հագել է ցածր, մարմնագույն վարտիք, որը, ըստ էության, պարզվել է՝ նրա ոտքերին փաթաթված մարմնագույն ժապավեններ էին, իսկ նրա տպավորիչ կուրծքը հազիվ ծածկված էր երկու մարմնագույն շերտերով:

Եվ իհարկե, ինչպես չնշենք այն ծայրահեղ սեքսուալ և ուլտրածայրահեղ բացահայտ լուսանկարը, որը հրապարակել է Սենսորիի քույրը ինսթագրամում։ Դրանում Բյանկան նստած է ղեկին մարմնագույն վարտիքով եւ պատառոտված վերնաշապիկով՝ մերկացնելով կրծքի մեծ մասը. ավելի քիչ գործվածք, ավելի շատ քննարկման, դատապարտման եւ հիացմունքի առիթներ: