Ուսուցիչը սոսկ մասնագիտություն չէ, այլ՝ իրական կոչում, վեհ ու կարևոր առաքելություն

Մենք՝ ՀՀ բոլոր ուսուցիչների համար, հայտարարում ենք «Ուսուցիչը» 2024 մրցանակաբաշխություն։

Մրցույթն ուղղված է բացահայտելու տաղանդավոր մանկավարժներին, աջակցելու նրանց ստեղծագործական և արդյունավետ աշխատանքին, խրախուսելու և մոտիվացնելու նրանց,

հանրահռչակելու նրանց լավագույն մանկավարժական փորձը։

Մրցույթն անցկացվում է 2 փուլով.

1-ին փուլ – Նախընտրական (հունվարի 25-ից փետրվարի 25-ը)

Հայաստանի Հանրապետության դպրոցների ուսուցիչները, տնօրենները, ադմինիստրատորները, աշակերտները և ծնողները առաջադրում են «Ուսուցիչը» մրցանակաբաշխության թեկնածուներին իրենց կողմից ընտրած անվանակարգում՝ լրացնելով հայտաձևը։ Ժյուրիի անդամները գնահատում են մասնակիցներին և կազմում եզրափակիչ փուլ անցնողների ցանկը՝ հիմնվելով նրանց ներկայացրած պրեզենտացիայի և «Ինչու հենց այս ուսուցիչը» էսսեի վրա։

Յուրաքանչյուր անվանակարգում երկրորդ փուլ է անցնում 2 ուսուցիչ։

2-րդ փուլ – Եզրափակիչ (մարտի 5-ից ապրիլի 20-ը)

2-րդ փուլի մասնակիցները կանցկացնեն բաց դասեր ոչ իրենց դասարաններում։

Մրցանակաբաշխության այս առաջադրանքի արդյունքում կընտրվեն հաղթողները։

Յուրաքանչյուր անվանակարգում կընտրվի 1 հաղթող:

Մրցանակաբաշխությունն անցկացվում է հետևյալ անվանակարգերում․

«Դեբյուտ», «Երիտասարդ ուսուցիչ», «Վարպետ», «Նորարար», «Ուսուցիչ-կազմակերպիչ», «Ուսուցիչ՝ հավերժ աշակերտ», «Ապրում եմ՝ դպրոցով», «Առաջին ուսուցիչ», «Իմ ընկեր՝ ուսուցիչ», «Ճակատագրական ուսուցիչ»:

Աշխատանքներն ընդունվում են [email protected] էլ. փոստով։ Այլ մանրամասների համար կարող եք զանգահարել՝ +37411530053:

Մեր պաշտոնական կայք էջը՝ homerusbook.am