Միամիտ չլինենք, Թուրքիան ուզում է Հայաստանին իրենից կախման մեջ դնել՝ այս ամենը ՀՀ իշխանության համաձայնությամբ. Փափազյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանի և Թուրքիայի հարաբերությունների կարգավարման հարցն ապագայի համար գլխավոր խնդիրն է ոչ միայն Հայաստանի, այլ հայ ազգի համար՝ նկատի ունենալով, որ Հայաստանը մեր ազգի հայրենիքն է: Այս մասին այսօր՝ դեկտեմբերի 14-ին, «Հայաստան-Թուրքիա հարաբերություններ. ապառնալիք, թե՞ հնարավորություն» համաժողովի ժամանակ ասաց ՀՅԴ բյուրոյի անդամ Մուրադ Փափազյանը։

Նա նկատեց, որ այն վերաբերում է ողջ հայութայնը՝ ոչ միայն Հայաստանում ապրողների. «Հայ-թուրքական սահմանի բացումն առաջին հերթին ենթադրում է սահմանի բացում, ինչը կնշանակի թուրքական էժան ապրանքի ներհոսք, հայկական ընկերությունների սննկացում և դրանց վաճառքը թուրքական ընկերություններին, հայաստանից բնակչության արտահոսք՝ 10 տարում 500 հազար մարդ»,-ասաց նա։

«Հայաստանի բնակչության մի մասը և սփյուռքը չեն ընդունում Հայաստանի թուրքացումը, արդյունքում՝ սփյուռքը չի գա Հայաստան»,-կանխատեսեց Փափազյանը և եզրակացրեց, որ այդ պայմաններում հյուրանոցային բիզնեսը հետ կնահանջի և թուրքական ընկերությունները կրկին կգնեն դրանք։

Նրա խոսքով՝ Հայաստանի թուրքացումը կհանգեցնի նրան, որ Հայաստանը և սփյուռքը կդառնան երկու առանձին միավորներ։

«Իսկապես, ինչպե՞ս կարող ենք միջազգային հանրությանը բացատրել, որ Սփյուռքը պայքրաում է ցեղասպանության ճանաչման, հատուցման  եւ Արցախի  իրավունքների համար, երբ Հայաստանը կարգավորում է իր հարաբերությունները Թուրքիայի հետ, երբ Թուրքիան ներդրումներ է կատարում ՀՀ տնտեսության մեջ, որպես համաշխարհային համագործակցության մաս: Ավելի վատ է,ե երբ ՀՀ վարչապետը պաշտոնապես հայտարարում է, Արցախը պատկանում է Ադրբեջանին, երբ նա կասկածի տակ է դնում հայոց ցեղասպանությունը, այս պարագայում է, որ ՀՀ իշխանությունը ուզում է վերահսկել Թուրքիային: Միամիտ չլինենք, Թուրքիան Հայաստանի հետ խաղաղություն չի ուզում, ուզում  է Հայաստանին իրենից կախման մեջ դնել՝ այս ամենը ՀՀ իշխանության համաձայնությամբ եւ մեղսակցությամբ»,- ասել է նա:

 Նա նաև առաջարկեց հայ-թուրքական հարաբերությունների հարցով համահայկական հանրաքվե անցկացնել։

 Հետևեք մեզ՝ այստեղ