«Ես գիտեմ, որ շատ լավ մայր կլինեմ, իմ մեջ այդ ցանկությունը շատ մեծ է». Իվետա Մուկուչյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Իմ կողքին պետք է այնպիսի տղամարդ լինի, ով իր կյանքի ընթացքում աշխատել է իր վրա: Ես էլ եմ բավականին շատ աշխատում ինձ վրա, այսինքն՝  հայելին պահել իմ դեմքին, ու ասել, որ այս մի բանը լավ չէ, փորձիր մաքրել:

Դա բերում է նրան, որ ես ամեն օր փորձեմ ավելի լավը դառնալ: Ու կցանկանամ, որ իմ կողքի տղամարդն այնպիսի լինի, որ, երբ մենք իրար հանդիպենք, ինքը հասկանա, թե ինչ կնոջ հետ է առնչվել, ու մենք կարողանանք իրար հետ լինել թագավոր ու թագուհի»,- «Կերպարից դուրս» հաղորդման շրջանակներում անկեղծացել է երգչուհի Իվետա Մուկուչյանը:

Tert.am Life-ն առանձնացրել է հաղորդումից մի հատված:

Անդրադառնալով այն թեմային, որ Հայաստանում 30-ից հետո կանանց անդադար ամուսնության մասին հարցեր են տալիս ու խորհուրդ տալիս գոնե երեխա ունենալ՝ Իվետան նշել է, որ իրեն արդեն 10 տարի է այդ հարցն այլևս չեն տալիս:

«Վաղուց այդ հարցը չեն տալիս, բայց իմ մեջ այդ ցանկությունը շատ մեծ է:

Ես գիտեմ, որ շատ լավ մայր կլինեմ, թե՛ իմ մայրիկի օրինակով, թե՛ հաշվի առնելով այն ամենն, ինչի միջով անցել եմ: Այդ մտքերը կան, բոլորն էլ ուզում են սիրելի մարդ ունենալ: Ես էլ կուզեի, որ իմ կողքին հայտնվեր այդ մարդը, բայց ես պատրաստ չեմ հանուն այդ վախի կոմպրոմիսի գնալ:

Ես վստահ եմ, որ այդ օրը կգա, ու հավատում եմ, որ երեխան ընտրում է իր ծնողներին»,- ասել է երգչուհին:

 Հետևեք մեզ՝ այստեղ