«Սա իմ պատմությունն է, ու որպես դերասան բարդ է այն ճիշտ մատուցել բեմից». Սամվել Թոփալյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Դերասան Սամվել Թոփալյանը վերջերս հանդիսատեսի դատին հանձնեց իր առաջին մոնոներկայացումը՝ «8000 կմ», այն ճանապարհը, որն անցել է «Բարև Էրգիր» հաղորդաշարի շրջանակներում: Բեմադրությունը դրական արձագանք է ստացել հանդիսատեսի կողմից: Ներկայացման հաջողության գրավականն ըստ Սամվելի այն է, որ թեմային շատ ազնվորեն ու զգուշությամբ է մոտեցել:

«Մեծ պատասխանատվությամբ եմ մոտեցել: Ուզել եմ, որ արհեստական ու շինծու ոչինչ չլինի, քանի որ իրական դեպքեր և իրական ճամփորդություն էր:

«Փորձել եմ մաքսիմալ անկեղծ ու ազնիվ ներկայացնել իմ զգացածն ու ապրածը, ու որպես հուշ պահել իմ մեջ: Այսօր այդ պահածը կիսում եմ հանդիսատեսի հետ»,- Tert.am Life-ի հետ զրույցում նշեց Սամվել Թոփալյանը:

Նա անկեղծացավ, որ որպես դերասան իր համար բավական բարդ էր այն առումով, որ բեմից ներկայացնում էր իր պատմությունը:

«Իմ պատմությունն է, իմ զգացածն է, իսկ դա գործը բարդացնում է մատուցման ժամանակ:

Ավելի զգույշ եմ ուզում լինել, էլ ավելի անկեղծ, բայց չափի մեջ ու ճշմարիտ: Այդքանով էլ այն տարբերվում է իմ մյուս դերերից»,- նշեց դերասանը:

Խոսելով ներկայացման հիմնական ուղերձի մասին, Սամվելն ընդգծեց, որ կուզեր հանդիսատեսը դահլիճից դուրս գալուց մի քանի վայրկյան մտածեր, որ մոռացության տալով անցյալը մենք ոչինչ չենք շահում, միայն կորցնում ենք:

«Ի վերջո մենք պիտի մեր մեջ պահենք շատ կարևոր մի բան, ես չեմ կարող մոռանալ իմ տատին, իմ պապին, հետևաբար չեմ կարող մոռանալ այն հիմքը, հողը, որտեղ իրենք են ծնվել:

Չեմ կարող նաև մոռանալ իրենց ճակատագրերը, իրենց ապրած դժվարությունները: Ու, երբ դա պահում ես քո մեջ, դա շատ առողջ հիմք է ունենում դեպի ապագան նայելու, ավելի լուսավոր ու հզոր դարձնելու մեր հողը, մեր հայրենիքը, մեզ: 

Կուզեմ, այն ինչ քնած է հանդիսատեսի մեջ, իր անցյալի, տատերի, պապերի, հայրենիքի հետ կապված արթնանա նրանց ներսում ու փորձեն իրենք էլ այս տեսանկյունից նայել այդ հարցին:

Շատ հաճախ մեզ ասում են՝ բավական է ողբանք, բայց դա ողբի ու լացի հետ բացարձակ կապ չունի: Ես կարծում եմ, որ առաջ գնալու կարևոր գրավականներից մեկն այն է, որ իմանաս, թե որտեղից ես գալիս: Այդ դեպքում ավելի պարզ կդառնա, թե ուր ես ուզում գնալ:

Առավել մանրամասն` այստեղ. 

https://t.me/+l9xjL01DqrowZjUy