Անշարժ գույքի գործակալությունների ծառայությունները կթանկանա՞ն. մեկնաբանում է փորձագետը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

2025 թվականի հուլիսից կթանկանան անշարժ գույքի գործակալությունների մատուցած ծառայությունները։ NEWS.am–ի հետ զրույցում այս մասին ասաց «Հայաստանի անշարժ գույքի գործակալությունների ասոցիացիայի» խորհրդի անդամ Անդրանիկ Հարությունովը՝ նշելով, որ իր կանխատեսմամբ՝ ծառայությունները կթանկանան 20-30 տոկոսի չափով։

Պատճառը հարկային օրենսգրքում տեղի ունեցող փոփոխություններն են. ֆինանսների նախարարությունն  առաջարկում է բոլոր տնտեսվարողներին բերել ընդհանուր հարկման դաշտ և հրաժարվել հարկային արտոնյալ պայմաններ տրամադրելուց։

«Որպես ասոցիացիայի խորհրդի անդամ, տարբեր ընկերությունների հետ կապի մեջ եմ, և ոչ մի անգամ չեմ լսել, որ որևէ խոշոր ընկերություն նեղսրտի, որ աշխատում է ընդհանուր հարկման դաշտում, իսկ փոքր ընկերությունները շրջհարկի դաշտում, որովհետև դրանք տարբեր ոլորտներ են։  Եթե նախքան նախագիծը ներկայացնելը քննարկումներ կազմակերպեին ոլորտի մասնագետների հետ, կհասկանային, որ նման խնդիրեր չկան։ Ինչ վերաբերում է անբարեխիղճ մրցակցությանը, իրականում կա նման բան, բայց գրանցված և չգրանցված ընկերությունների միջև»,–ասաց Անդրանիկ Հարությունովը։

Նրա խոսքով, հարկային օրենսգրքում տեղի ունեցող փոփոխությունները կարող են լուրջ հետևանքներ ունենալ անշարժ գույքի ոլորտի համար։

«Օրենքը կընդունվի, ծառայությունները կթանկանան, և մարդիկ ստիպված կգնան կաշխատեն ստվերում, որովհետև ստվերում աշխատելու դեպքում պայմաններն ավելի շահավետ կլինեն։ Ստվերում աշխատելու դեպքում չեն հարկվի, չեն տուգանվի, ոչ մի միջոց չի կիրառվի»,–նշեց Անդրանիկ Հարությունովը։

Մանրամասները՝ տեսանյութում։

Առավել մանրամասն` այստեղ. 

https://t.me/+l9xjL01DqrowZjUy