Տղաների նկարվելու ձևեր, որոնք առավել շատ են ազդում աղջիկների նյարդերի վրա. 10 պատվիրան քյարթուների համար

ԼԱՅՖ 29 Հունվար, 2016 7:11

Բոլորս էլ գրանցված ենք սոցիալական ցանցերում, ու պարբերաբար մեր աչքով ընկնում են իրենց անհեթեթությամբ, վուլգարությամբ ու քյարթությամբ աչք ծակող լուսանկարներ, որոնք հրապարակվում են ոչ այնքան բարձր ինտելեկտուալ ցենզ ունեցող երիտասարդների կողմից: Ես փորձեցի հավաքել մի քանի տասնյակ այդպիսի նկարներ ու դասակարգել դրանք, որպեսզի դեռևս չկողմնորոշված մարդիկ պատկերացում ունենան, թե ինչպիսի նկարներ պետք չէ հրապարակել սոցցանցերում, իսկ ով էլ գիտի դա, թող նայի ու զվարճանա մեր քյարթանդիլների լուսանկարչական կրեատիվի վրա:

Ինչպես ասվում է, սկսենք դասականներից:

1. Մի՛ պպզիր

Կար ժամանակ, երբ այսպիսի էնդեմիկ թռչունների կարելի էր հանդիպել ամեն ազատ բորդյուրի վրա, բայց հետո շատերը հասկացան, որ թուխս նստած հավի տեսք ունեն ու սկսեցին մարդավայել դիրքերով նկարվել: Ցավոք, ոչ բոլորը գիտակցեցին դա, ու հիմա էլ կարելի է ականատես լինել նման արարածների:

Պպզողները լինում են մի քանի տեսակի:

Հին գվարդիականներ, որոնց մոտ անգամ մկաններն ու ոսկորներն արդեն ճկված են այն աստիճան, որ երկրի ձգողականության պայմաններում միակ հարմար դիրքը հենց պպզածն է նրանց համար:

Երիտպպզողներ, որոնք դեռ նոր-նոր են յուրացնում թուխս նստելու արվեստը…

Բրուտալ երիտպպզողներ…

Մելամաղձոտ պպզողներ (կիրառական ցուցում. իմաստուն հայացքով նայել կադրից դուրս գտնվող օբյեկտի)…

Աստվածահաճո պպզողներ (ցանկալի է պպզել եկեղեցու հարակից տարածքում, իսկ հնարավորության դեպքում՝ գմբեթին)…

Եվ իհարկե, խմբակային պպզողներ…

Տղերք ջան, պպզած մի նկարվեք: Նախ՝ դա ամենաանբնական ու անհարմար դիրքերից է, որ կարող է ընդունել Հոմո Սապիենսը (մի՛ կատաղեք, Հոմո բառն էստեղ էն չի, ինչ դուք մտածեցիք), երկրորդն էլ՝ էսթետիկորեն տգեղ է:

Անցնենք առաջ ու սահմանենք երկրորդ պատվիրանը.

«Նիվան օջախ չի, մեքենա է, այն էլ վատ»:

2. Մեքենայի մոտ և մեքենայի մեջ հիմար դիրքերով ու դեմքի արտահայտությամբ մի՛ նկարվիր

Հասկանո՞ւմ եք, տղերք ջան, աղջիկների նյարդերին ազդում ա, երբ ակնհայտորեն չկայացած մեկը, ով ինքնուրույն 10 դրամ էլ չի աշխատել, պապայի փողերով առած կամ էլ ընդհանրապես ոչ իր, այլ ընկերոջ մեքենայի մոտ սենց նկարներ ա դնում: Յանի՝ տեսեք-տեսեք, բեսամթ ձելավոյ տիպն եմ ես…

Կամ էլ թե չէ նենց ձև են բռնում, ոնց որ քշածները սովետական տաշտակ չի, այլ ինչ-որ թույն ամենագնաց։

Ու առհասարակ ասեմ, որ Նիվան անգամ մեքենա չի, այլ ախտորոշում ա…

Իսկ առավել նյարդայնացնում են էն նկարները, որտեղ վարսահարդարական դժբախտ պատահարի մասին հուշող պրիչոսկեքով մալալետեքը դատապարտող հայացքով նայում են տեսախցիկին, իբր՝ տեսեք-տեսեք, սպոնտան նկար ա, «հո հատուկ չե՞մ նստել խալխի ավտոյի մեջ, ղեկը պինդ բռնել ու խնդրել ընկերոջս, որ ինձ նկարի տենց, որ Օդնո քցեմ»…

Կամ էլ՝ «Արա, չէի տեսել, որ նկարում են…»

3. Ախպերավատ մի՛ եղիր, այլ պարզապես նկարվիր

Անցնենք առաջ: Տղերք ջան, հավատացեք, ահավոր հիմար գաղափար ա ամբողջ քուչով հավաքվելը, իրար գրկվելով ու պաչելով նկարվելն ու հետո «AXPERUTYUN» տիպի վերտառությամբ էդ նկարները դնելը:

Օրինակ՝ էս նկարում մարդ նայում ա, ու հարց ա առաջանում էդ նորմալ մարդու մոտ. էսքան ջահել տղա գործով զբաղվելու փոխարեն կանգնել՝ տռասի վրեն բքում են, մի բան էլ նկարվում ու, դրամատիկ սև-սպիտակ սարքելով, դնում են սոցցանց: Իմա՞ստը:

Հատկապես մանրապճեղ մալալետկեքն են սիրում տենց գրկախառնված նկարներ անել, ընդ որում՝ մեջները միշտ մի երկու հոգի լինում ա, որ նենց լուրջ ու ցասումնալից դեմքով ա նայում կամեռային, ասես հենց նկարվեն՝ գնալու են, Բաքուն գրավեն:

4. Կարմիր չարոխներով մի՛ նկարվիր

Հասկանում եմ, որ բոլորս էլ մեծացել ենք Կարմիր գլխարկի մասին հեքիաթի վրա, բայց դա չի արդարացնում անասուն կարմիր չարոխներ կրելու թրենդը, էլ չեմ ասում՝ դրանք ֆոտոսեսիայի դետալ դարձնելը…

Օրինակ՝ էս նկարից տպավորություն է ստեղծվում, որ հերոսի անհատականությունն ու շարմն ավելի շատ իրա չարոխներով է պայմանավորված, քան դեմքով:

Իսկ այս սուիցիդալ մոտիվներով TXUR նկարում չգիտես էլ, թե ինչն է ավելի շատ նյարդայնացնում՝ լուսանկարի ղզիկական մոտիվնե՞րը, թե՞ աչք ծակող կարմիր կոշիկները:

5. Մի՛ բքիր

Բա որ նկար են գցում, որտեղ ուրվագծվում է իրենց մարմնի վերին վերջույթը՝ պարուրված նարգիլեի ծխի մեջ: Ոնց որ կամազի փչացած գլուշիտել լինեք, տղերք, ի՞նչ մի ձև եք բռնել…

Կամ էլ շլանգը բերաններում… մի մոռացեք, որ ֆրեյդիզմ կա՜, բան կա՜…

Բա որ սենց մտամոլոր ու տխուր դեմք ընդունած՝ սիգարետը ձեռքներին նկարներ են գցում, որտեղ անչափ խորիմաստ հայացքով նայում են պատին… Արա, մի՞թե հավատում եք, որ ինչ-որ մեկին տպավորում ա էդ ձևի թռեշը…

Կամ էլ բազմանալու պատրաստ սեռական հասունացման հասած ջայլամի դիրքով տնգված, սիգարետով ու որոնող հայացքով նկարներ են դնում…

Ու նույնիսկ եթե քո բքոցին դոլարների ֆոնին է, դա նյարդայնացնում է, հատկապես, եթե չես ֆայմել, որ 1 դոլարանոցներով մարդու չես ցնցի, իսկ կադրում հենց մի դոլարանոցների խուրձ է…

6. Պլանով, կոկաիով, այլ թմրանյութերով ու զենք զինամթերքով մի՛ նկարվիր:

Դե իսկ պլանքաշությունով ու մարտական զենքով գլուխ գովալը լոպազանալու թեմայի մեջ կուլմինացիոն կետն ա: Բացի նրանից, որ դա հաստատ չի տպավորում աղջիկներին, այն կարող է լուրջ հետաքրքրություն առաջացնել պատկան մարմինների մոտ:

... ու առավել ևս մարդու վրա պահած մի նկարվի, կարա կրակի... չնայած, կոնկրետ էս նկարում էդ վտանգավոր չի, որովհետև կպնելուց՝ գլխին ա կպնելու, իսկ եթե գլխի մեջ ուղեղ չկա՝ վնասը մեծ չի. մի ծակ կլինի, էն էլ զամազկա կարելի է անել:

7. Առանց արև արևային ակնոցներ մի՛ դիր

Այն էլ տանը…

8. Ֆոտոշոփով տափակություններ մի՛ ավելացրա առանց այն էլ տափակ լուսանկարին

9. Ախմախ գործողություններդ ու տեսքդ ի ցույց մի՛ դիր

Օրինակ՝ որոշ խելոքներ սիրում են սաունայից նկարներ գցել կամ էլ, ասենք, լողավազանում մի քանի փռչոտ ու թաց ընկերների հետ գրկված: Դա հակահիգիենիկ է, պարոնա՛յք:

Պակաս տխմարություն չէ տարբեր հուշարձանների վրա էշություններ անելը, ինչպես այս հիմարի պարագայում է: Հավերժական կրակի վրա կոֆե մի՛ դրեք, Ցեղասպանությանը նվիրված հուշարձանի յուբկի տակ մի՛ նայեք, խաչքարերի վրա մի՛ կանգնեք և այլն…

Ու վերջապես, 9-րդ պատվիրանը…

10. Սիրո ախմախ դրսևորումներ մի՛ արա:

Գուցե սա տպավորի վամպիռ աղջկա, կամ էլ մոծակների, բայց ընդհանուր առմամբ, դժվար է պատկերացնել ավելի հիմար տարբերակ՝ աղջկան կամ էլ աղջիկներին տպավորելու համար…