«Հայկական ժամանակ». Վարչապետի՝ Ֆրանսիա այցը՝ չնայած սպասումների, տնտեսական բնույթի որևէ կոնկրետ արդյունք չի տվել

«Ի հեճուկս սպասումների, ՀՀ վարչապետ Հովիկ Աբրահամյանի գլխավորած ներկայացուցչական պատվիրակության այցը Ֆրանսիա տնտեսական բնույթի որևէ կոնկրետ արդյունք չի տվել: Սեր աղբյուրները նշում են, որ վարչապետի այցի շրջանակներում նախատեսված է եղել մի քանի մեծ նախագիծ «կպցնել» հիմնականում գյուղատնտեսության ոլորտում: Սակայն ընդհանուր բնույթի հավաստիացումներից և «համագործակցությունը շարունակելու» բարեմաղթանքներից այն կողմ գործը չի անցել: Նշենք, որ հայկական կողմի հաշվարկներով՝ ֆրանսիական ընկերությունները կարող են ներդրումներ անել Հայաստանում գյուղմթերքներ ստանալու հեռանկարով: Քանի որ ներկայումս Ռուսաստանը պատժամիջոցներ է կիրառում ԵՄ երկրների, այդ թվում՝ նաև Ֆրանսիայի գյուղմթերքներ արտադրողների դեմ, ապա տեսականորեն մեծ է հավանականությունը, որ ֆրանսիացիները մթերքների արտադրությունը կիրականացնեն Հայաստանում և կարտահանեն արտադրանքը Ռուսաստանի Դաշնություն:

 Ֆրանսիական ընկերությունները արդեն մի քանի փոքր ծրագրեր իրականացնում են Հայաստանում այդ ուղղությամբ: Սակայն դրանք շոշափելիորեն ընդլայնելու մտադրություններ ֆրանսիական կողմը չի դրսևորել: Դա պայմանավորված է նրանով, որ գյուղատնտեսական նոր տեխնոլոգիաների կիրառմամբ Հայաստանում մեծ արտադրություններ կազմակերպելու համար չկա կադրային համապատասխան բազա և ենթակառուցվածքներ: Բացի այդ ռուսական շուկա մուտք գործելու հեռանկարով իրականացվելիք ծրագրերը բավականին ռիսկային են, քանի որ ՌԴ-ն ներկայումս իրականացնում է «ներմուծման փոխարինամ» և փորձում է ինքն արտադրել այն ապրանքները, որոնք նախկինում ներկրվում են ԵՄ երկրներից: Թերևս, հենց սա է պատճառը, որ ֆրանսիական ընկերությունները նախընտրում են առայժմ սպասել»,–գրում է թերթը։

 Մանրամասները՝ թերթի այսօրվա համարում։