Ինչ է ասում Ձեր արյան խումբը՝ Ձեր սեքսուալության ու սեքսուալ նախասիրությունների մասին

Blognews.am-ը գրում է.

Գիտեի՞ք արդյոք, որ Ձեր սեքսուալ նախասիրություններն ու սեքսի որակը կապ ունեն Ձեր էրիթրոցիտների հատկությունների հետ։

Իրականում այլաբանական «տաք արյուն» բառակապակցությունն ամենևին էլ այլաբանական նշանակություն չունի։ Սա պարզվել է գիտնական-սեքսոլոգների անցկացրած հետազոտությունների արդյունքում։ Ուսումնասիրելով 3000 փորձարկվողների՝ նրանք եկել են եզրակացության, որ սեքսուալ խառնվածքն ուղղակիորեն կախված է տվյալ անհատի արյան խմբից։

Այսպիսով, պարզվել է, որ ամենակրքոտ ու անհագ սիրեկաններն առաջին խմբի արյուն ունեցողներն են։ Նրանք սիրում են իրենց ձեռքը վերցնել նախաձեռնությունը սեքսի ժամանակ։ Սեքսում նրանք հավասարը չունեն ու ճառագայթում են սեքսուալ էներգիա՝ միևնույն ժամանակ հավատարիմ մնալով իրենց զուգընկերոջը կամ զուգընկերուհուն։

Երկրորդ խմբի արյուն ունեցող մարդիկ ևս հակված են հավատարմության ու շատ ակտիվ են ակնողնում։ Սիրային զվարճանքների հարցում նրանք անկուշտ են, բայց ի տարբերություն առաջին խմբի արյուն ունեցող մարդկանց՝ նախաձեռնողականությունը զիջում են զուգընկերոջը, որպեսզի չկենտրոնանան պրոցեսի վրա ու առավելագույն հաճույք ստանան (հենց այս պատճառով նրանք ամենաշատը նախապատվություն տալիս են օրալ սեքսին)։

Երրորդ խմբի արյուն ունեցող մարդիկ շատ ստեղծագործաբար են մոտենում սեքսին։ Բանն այն է, որ ինտիմ կյանքին նրանք մոտենում են գիտա-լուսավորչական տեսանկյունից. մինչև պրակտիկայի անցնելը մանրամասն ուսումնասիրում են տեսությունը և դա անում են ֆիլմեր դիտելով, հոդվածներ կարդալով և այլն, իսկ հետո այդ ողջ գիտելիքներով ցնցում են իրենց զուգընկերներին։

Վերջապես, չորրորդ խմբի արյուն ունեցող մարդիկ գայթակղության տեխնիկայի են տիրապետում՝ առանց որևէ տեսական գիտելիքների ու զուտ նախազգացության մակարդակով։ Պարզ ասած, նրանք անկողնում զգում են իրենց, ինչպես ձուկը ջրում ու միշտ գիտեն, թե ինչպես հաճույք պատճառեն զուգընկերոջն ու միևնույն ժամանակ հենց իրենց։