Չարենցին ներկել են հատակի ներկով, հիվանդանոցում՝ սգո սրահ բացել․ Չարենցավանում խառնաշփոթ է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Չարենցավանում ներկայումս առկա են բազմաթիվ խնդիրներ՝ ծառերի սպանդ, արձանների անմխիթար վիճակ, կանաչապատ տարածքների վերացում, և որ ամենազավեշտալին է՝ համայնքի հիվանդանոցի տարածքում գործում է սգո սրահ, և վաճառվում են սգո պարագաներ։

Oragir.News-ի հետ զրույցում Չարենցավանի բնակիչ Քրիստինա Ղազարյանը նշեց, որ վերանորոգման անվան տակ հատակի ներկով են ներկել Եղիշե Չարենցի արձանը։ Այս արձանի հեղինակն է Արա Շիրազը՝ Հովհաննես Շիրազի ու Սիլվա Կապուտիկյանի որդին։

«Ունենք Եղիշե Չարենցի տուն-թանգարան, որը մեր Կենտրոնական զբոսայգում է գտնվում։ Հատակի ներկով Չարենցի արձանը ներկել են՝ քիչ չի, սրբատաշ քարերը, որոնք այգու մուտքի մոտ են՝ նույնպես ներկվել են հատակի կարմիր ներկով»,- ասաց նա։

Եղիշե Չարենցի արձանը միակ անխնամ ու անմխիթար արձանը չէ Չարենցավանում։ «Վերածնունդ» հուշահամալիրը, որտեղ տեղադրված է Չարենցի «Գանգրահեր տղան» պոեմի մոտիվներով կառուցված արձանը, ևս գտնվում է վատ վիճակում։ Բացակայում են առատության կարասները։

«Գանգրահեր տղայի արձանն էլ մի լավ վիճակում չէ, որը մեր քաղաքի պատիվն է։ Արձանին նայում ես՝ անշուք է, որովհետև այդտեղ կուժեր կային, բայց հիմա անմխիթար է։

Օրենք չի գործում, բայց որ գիտեմ՝ չեն թողնի, ես մենակ չեմ կարող ինչ-որ բան անել»,- նշեց նա։

Քրիստինա Ղազարյանի խոսքով՝ հիվանդանոցի տարածքում գործում է սգո սրահ և վաճառվում են սգո պարագաներ։ Այն պատկանում է Վարդան Մակինյանին։

«Ինքը գրել էր, որ ոչ մի բան չունի, և ես իրեն զրպարտում եմ։ Տղաս մտավ կադաստրի կայք և պարզեց, որ այդ ամբողջ տարածքը իրեն է պատկանում։ Անում են այն, ինչ իրենք են ուզում։ Ժողովրդի ձայնը բացարձակ չի անցնում, այսինքն՝ ժողովուրդը ձայն էլ չի հանում, վախենում է»,- ասաց նա։

Մանրամասները՝ տեսանյութում։

 

Առավել մանրամասն` այստեղ. 

https://t.me/armenia24live