Եվրոպական ինը երկրներ համաձայնել են Միջերկրական ծովը վերածել կանաչ էներգիայի կենտրոնի

Եվրամիության (ԵՄ) հարավային ինը երկրների ներկայացուցիչներ հայտարարել են, որ իրենք կենտրոնանում են քամու և արևային էներգիայի վրա, որպեսզի Միջերկրական ծովը վերածեն վերականգնվող էներգիայի կենտրոնի և նպաստեն կլիմայի փոփոխության ռիսկերի նվազեցմանը, գրում է gismeteo.ru-ն:

Կիպրոսի, Սլովենիայի և Մալթայի էներգետիկայի նախարարների, ինչպես նաև Խորվաթիայի էկոնոմիկայի նախարարության ղեկավարի և Հունաստանի, Իտալիայի, Ֆրանսիայի, Պորտուգալիայի և Իսպանիայի ներկայացուցիչների հրապարակված հայտարարության մեջ խոսվում է վերականգնվող էներգիայի ոլորտում տրանսսահմանային նախագծերի հարցում համատեղ համագործակցության, առանց բյուրոկրատիայի աշխատելու մասին, ինչը կարող է շահագրգռել պոտենցիալ ներդրողներին: Նրանք կոչ են արել Եվրոպական հանձնաժողովին (ԵՀ) ղեկավարել տարածաշրջանում վերականգնվող էներգիայի ներուժի ուսումնասիրությունը, որի հիման վրա կարող են կայացվել հետագա որոշումները և իրականացվել գործողություններ նման նախագծերն առաջ մղելու համար: Այդ համապատասխան հայտարարությունն արվել է Կիպրոսի Լառնակա քաղաքում կայացած այսպես կոչված MED9 խմբի նախարարների մակարդակով հանդիպումից հետո։ Կիպրոսի էներգետիկայի նախարարության ղեկավար Ջորջ Պապանաստասիուն նշել է, որ MED9-ում ընդգրկված երկրներն ուղիներ են փնտրում ծովային հարթակներով «կանաչ» էներգիա արտադրելու համար կապված Միջերկրական ծովում ցամաքի տարածքի նվազման հետ։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը: 

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]