Իմ տղան hրեշ չէ. Փի Դիդիի մայրը, որդու շուրջ սկանդալի ֆոնին, հայտարարությամբ է հանդես եկել

ԼԱՅՖ 7 Հոկտեմբեր, 2024 12:19

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ամերիկացի ռեփեր, պրոդյուսեր Փի Դիդիի (իրական անունը՝ Շոն Քոմբս-Խմբ.) մայրը՝ Ջենիս Սմոլս Քոմբսը, որդու շուրջ ծագած սկանդալի ֆոնին, հանդես է եկել հայտարարությամբ՝ պաշտպանելով աստղին: Այս մասին գրում է Daily Mail-ը, մանրամասնելով, որ Փի Դիդիին մեղադրում են սեռական թրաֆիքինգի համար, նրա դեմ ներկայացվել է սեռական ոտնձգության ավելի քան 100 մեղադրանք:

«Որպես մայր՝ խորապես վշտացած եմ որդուս՝ Շոն Կոմբսի դեմ ներկայացված մեղադրանքների առնչությամբ: Սիրտս կեղեքվում է՝ տեսնելով, որ որդուս դատում են ոչ թե ճշմարտության, այլ ստից ստեղծված պատմվածքի համար: Ականատես եմ լինում որդուս հրապարակային լինչի դատաստանին, քանի որ նա դեռ հնարավորություն չի ունեցել ապացուցել իր անմեղությունը: Սա չափազանց անտանելի ցավ է բառերով արտահայտելու համար», - ասել է 84-ամյա Ջենիսը։

Նա ընդգծել է, իրականությանը չհամապատասխանող լուրերը հանգեցրել են նրան, որ դաշնային իշխանությունները հետաքննություն են սկսել նրա նկատմամբ:

«Դաշնային կառավարությունն այժմ օգտագործում է այս ստերը՝ իմ որդուն քրեական պատասխանատվության ենթարկելու համար: Այս անարդարությունն անտանելի է մեր ընտանիքի համար», - նշել է մեղադրյալի մայրը։

Նա որդու «աջակիցներին, երկրպագուներին, գործընկերներին, ընկերներին և հանրությանը կոչ է արել չդատել նրան, քանի դեռ հնարավորություն չեն ունեցել լսելու նրա վարկածը»:

«Իմ տղան այն հրեշը չէ, որին նրանք ներկայացնում են, և նա արժանի է իր տեսակետը պատմելու հնարավորությանը: Ես կարող եմ միայն աղոթել, որ ողջ լինեմ, որպեսզի տեսնեմ, որ նա պատմում է իր ճշմարտությունը և արդարանում»:

Ընդհանուր առմամբ. աստղը մեղադրվում է սեռական թրաֆիքինգի, բռնաբարության, ոտնձգությունների, կաշառակերության, կողոպուտի, սպանության փորձի և այլնի համար:

Բայց ամենից շատ հասարակությունը զարմացել է «սպիտակ երեկույթների» ի հայտ եկած մանրամասներից, որոնք Փի Դիդին տասնամյակներ շարունակ կազմակերպել էր Հոլիվուդի գլխավոր աստղերի համար: Քննիչների տվյալներով՝ այս երեկույթների ժամանակ աստղի առանձնատներում տեղի են ունեցել զանգվածային օրգիաներ, բռնաբարություններ, մանկապղծություններ և թմրանյութերի բռնի ընդունում։

She said of her son, 'It is heartbreaking to see my son judged not for the truth, but for a narrative created out of lies.' Pictured September 2023 in New Jersey Sean 'Diddy' Combs' mother Janice Smalls Combs has issued a statement in her son's defense. Pictured in 2023 in New Jersey Diddy and Janice Combs attend the 2022 BET Awards on June 26, 2022 in LA Janice and Diddy pictured at his 'White Party' in 2009 in LA