Ի՞նչ են խորհրդանշում թանկարժեք քարերը

Ագաթը պաշտպանում է  չար աչքից, թույներից, այն կրողին պարգևում է երկարակեցություն  ու առողջություն,  առնականություն ու հանգստություն:

 

Ծովակնը համարվում է սիրահարների քար, պահպանում է  ընտանեկան երջանկությունը, նպաստում բարեկեցությանը:

 

Ալմաստն անմեղության խորհրդանշանն է, համարձակություն ու հաստատակամություն ու երջանկություն  է պարգևում  այն կրողին: Այս քարը հարմար է ուժեղ էներգետիկայի տեր մարդկանց, հակառակ դեպքում քարը տկարանում է:

 

Մեղեսիկը պաշտպանում է հարբեցողությունից, սանձում կրքերը, համարվում է «այրիի քար»:

 

Բերիլն օգնում է զգացմունքների կայունությանը,  ճանապարհորդների բարի ուղեկիցն է: 

 

Փիրուզը երջանկության քարն է, օգնում է սիրահարներին, անփոփոխ ու հավատարիմ սեր է խորհրդանշում:

 

Հակինթը հաջողության և ուժերի ամրապնդման  խորհրդանշանն է: 

 

Նռնաքարն ուրախացնում է սիրտը և հաշտեցնում է ընկերների հետ:

 

Մարգարիտը պաշտպանում է անպատասխան սիրո տառապանքներից, ուստի պետք է կրեն չամուսնացած աղջիկները:

 

Զմրուխտը երջանկություն է պարգևում: 

 

Մարջանը պաշտպանում է կայծակից ու չար աչքից, իսկ ահա լազուրիտը գերազանց է բուժման համար: