13 օգտակար խորհուրդ հատուկ iPhone 6 ունեցողների համար

ԼԱՅՖ 26 Հունվար, 2016 16:06

Եվ այսպես, Դուք iPhone 6s-ի երջանիկ սեփականատեր եք կամ էլ պատրաստվում եք դառնալ այդպիսին։ Այս սմարթֆոնը բազմաթիվ հետաքրքիր ֆունկցիաներ ունի, որոնք կարող եք փորձարկել ինքներդ։ Ահա 13 օգտակար խորհուրդ, որոնք կօգնեն Ձեզ այս հարցում։

1. Դարձրեք «կենդանի ֆոտոն» Ձեր էկրանի նկարը

Դուք պետք է երկու բան իմանաք․

1․ «Կենդանի ֆոտոն» հիանալի բան է ընկերներին զարմացնելու համար։

2․ Դուք այն կարող եք դարձնել Ձեր ֆոնային նկարն ու ցույց տալ բոլոր նրանց, ովքեր կհամարձակվեն դիպչել Ձեր հեռախոսի էկրանին։ Դրա համար պարզապես պետք է լուսանկարելիս համոզվել, որ սեղմել էք դեղին «Live» կոճակը։ Այնուհետև մտեք նկարների թղթապանակը, բացեք այդ նկարը, սեղմեք «Կիսվել» կոճակը և ընտրեք «Դարձնել ֆոնային պատկեր» տարբերակը։

2. Արագ անցում կատարեք հավելվածների միջև

Գուցե սկզբում սա բարդ թվա, բայց երբ հասկանաք, թե ինչպես դա անել, Դուք հաստատ կհավանեք այս նորամուծությունը։ Սեղմեք էկրանի ձախ հատվածի վրա և կանցնեք բազմաթիվ խնդիրների ռեժիմ։ Այդտեղ Դուք կտեսնեք առավել հաճախ օգտագործվող հավելվածների ցանկը։ Թերթեք դրանք՝ մատն աջ կամ ձախ շարժելով և ընտրեք պետքականը։

3. Շատ արագ պատասխանեք հաղորդագրություններին

Բացեք «Հաղորդագրություններ» դիրեկտորիան, սեղմեք տեքստային դաշտ վրա և կտեսնեք վաղօրոք պատրաստված պատասխանների ցանկ․ «ОК», «Շնորհակալություն» և «Հետո կխոսենք»։

4. Սեղմեք ստեղնաշարի վրա, որպեսզի այն դառնա սենսորային պանել

Սա շատ ավելի հեշտ է, քան խոշորացույց կուրսորից օգտվելը։ Սեղմեք ստեղնաշարի վրա ու շարժեք կուրսորը։ Եվս մեկ անգամ դիպեք սենսորային պանելին, որպեսզի առանձնացնեք առանձին բառը, երկու անգամ սեղմեք՝ տողն առանձնացնելու համար և երեք անգամ՝ ամբողջ տեքստն առանձնացնելու համար։

5. Լուսանկարների կառավարում հենց դիտման ռեժիմում

Լուսանկարները դիտելիս սեղմեք պատկերը և մատը վերև շարժեք, որպեսզի քոփի անեք այն, նշեք որպես սիրելի լուսանկար, կիսվեք դրանով կամ էլ հեռացնեք այն։

6. Անցեք հղումով առանց նոր պատուհան բացելու

Safari բրաուզերում, հաղորդագրություններում կամ փոստարկղում պարզապես մատը պահեք ցանկացած հղման վրա, որպեսզի տեսնեք դրա բովանդակությունը։ Safari-ում կարող եք նաև սեղմել հղման վրա ու, մատը վերև տանելով, քոփի անեք այն՝ ավելացնելով այն ընտրյալների ցուցակում։

7. Նայեք վերջերս արված լուսանկարները մինչ նորն անելը

Տեսախցիկի մենյուում սեղմեք վերջին ֆոտոյի փոքրացված պատկերի վրա, որը գտնվում է էկրանի ձախ հատվածի ներքևում ու թերթեք նկարները՝ մատն աջ կամ ձախ շարժելով։ Որպեսզի վերադառնաք տեսախցիկի ռեժիմ, պարզապես մատը հետ տարեք։

8. Ձայնով ակտիվացրեք Siri-ն

iPhone 6s-ի ամենահաճելի նորամուծություններից մեկը կայանում է նրանում, որ կարող եք արտասանել «Բարև, Siri», երբ Ձեր սարքը ցանցին միացված չէ։ Եթե Դուք չեք կարողանում գտնել հեռախոսը, պարզապես կարող եք ասել. «Բարև, Siri, որտե՞ղ ես», ու այն կճանաչի Ձեր ձայնն ու կարձագանքի։

Դուք կարող եք կարգավորել Siri-ն՝ մենյուում կատարելով հետևյալ անցումները․ Настройки > Общее > Siri > активировать «Привет, Siri»։

Բոնուս․ iOS 9-ում Դուք կարող եք տալ «Գտիր այն լուսանկարը, որը ես արել եմ այսինչ տեղը» կամ էլ «Գտիր այն լուսանկարը, որը ես արել եմ այսինչ օրը»։ Դուք նաև կարող եք կարգադրել հետևյալը․ «Հիշեցրու ինձ [ինչ-որ բան անել], երբ ես գամ [այսինչ տեղը]»։

9. Հեշտությամբ պատասխանեք օրացույցի միջոցով արվող հրավերքներին

Սեղմեք իրադարձության մասին հաղորդագրության վրա ու մատը վերև շարժեք, որպեսզի հաղորդեք Ձեր որոշման մասին։

10. Հեշտությամբ միացրեք Ձեր նախընտրած պոդքասթը

Սեղմեք պոդքասթերի հավելվածի վրա, որպեսզի ընտրեք, թե Ձեր բաժանորդագրված տարբերակներից որն եք ցանկանում միացնել։

11. Սեղմեք քարտեզի ցանկացած լոկացիայի վրա, որպեսզի պարզեք, թե ինչպես է պետք հասնել, զանգահարել այնտեղ կամ էլ կիսվել այդ վայրով

Եթե սեղմեք հաստատության անվան վրա, ապա կտեսնեք տեղեկատվություն դրա մասին. արձագանքներ, աշխատանքային ժամեր, գներ։

12. Հաղորդագրությունների մենյուում սեղմեք կոնտակտի անվան կողքի կոճակին, որպեսզի զանգահարեք նրան

Խոսակցությունների ցանկում սեղմեք կոնտակտի պատկերի վրա, բացեք «FaceTime» և ընտրեք՝ նամակ գրել նրան, լրացնել տեղեկատվությունը կոնտակտի մասին, զանգահարել նրան և այլն։

13. Ավելի մուգ գույնով նկարեք նշումներում

Նկարելու ռեժիմում ավելի ուժեղ սեղմեք էկրանին, որպեսզի ավելի մուգ գույնով նկարի, կամ էլ նկարի մի մասը ջնջեք։

Այս ամենն ավելի մանրամասն կարող եք դիտել տեսանյութում: