«Սկզբում փորձում էի կրքերը հանդարտեցնել». Լիա Զախարյանը մանրամասներ է պատմում իր և տաքսու վարորդի միջև տեղի ունեցած միջադեպից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Ես մինչև հիմա շոկի մեջ եմ, վախեցած եմ: Ես դեռ շատ կարճ հատված եմ տեղադրել: Սպառնում էր ինձ «խփել»: Սկզբում ուղղակի փորձում էի հասկանալ, թե ինչու, իրավիճակը հանդարտեցնել, բայց վարորդը կտրականապես չէր հանդարտվում:

Ես դեռ տեղ չհասած հասկացա, որ հասցեն սխալ եմ նշել, հասցեն փոխեցի և արժանացա նման վերաբերմունքի: Ես փորձում էի ասել, որ իգական սեռի ներկայացուցիչ եմ, բացատրել, որ իր երեխայի տարիքի աղջիկ եմ, ուզում էի ասել՝ մի վիրավորեք, դուք իրավունք չունեք, բայց ամեն ինչ ապարդյուն էր: Նա իմ հետևից մտավ այն հասցեն, որտեղ ես գնացի ու պահանջեց ավել գումար: Գումարը կազմել էր 1200 դրամ, ինքը պահանջում էր 1700 դրամ:

Մինչև այս սթորին տեղադրելը զանգահարել եմ Yandex տաքսի, խնդրել եմ հեռախոսահամար փոխանցեն, որին կուղարկեմ նկարահանած տեսանյութը, որպեսզի տեսնեն, բայց դեռ համար չեն փոխանցել: Ես դիմելու եմ ոստիկանություն: Կարևոր չէ հասցեն փոխվել է, թե ոչ, կարևորն այն է, որ ինձ սպառնացել են»,- դերասանուհի Լիա Զախարյանը ինստագրամյան էջի սթորի բաժնում պատմել է իր և տաքսու վարորդի միջև տեղի ունեցած միջադեպի մանրամասները: 

Yandex Go ընկերությունը պարզաբանում է տարածել միջադեպի հետ կապված`

«Մենք նույնպես ապշած ենք կատարվածից, նման պահվածքը բացարձակապես անընդունելի է և խախտում է սպասարկման կանոնները, վարորդն այլևս պատվերներ իրականացնելուց զրկված է:

Մենք ակտիվ կապի մեջ ենք օգտատիրոջ հետ՝ իրավիճակը կարգավորելու և շտկելու նպատակով: Մենք պատրաստ ենք համագործակցել իրավապահ մարմինների հետ հետաքննության շրջանակներում, եթե ուղևորը որոշի դիմել ոստիկանություն»։

Առավել մանրամասն` այստեղ.

https://t.me/armenia24live