Էջմիածնում աշակերտները դասերն ավարտում են երեկոյան ժամը 8-ին, մութ ճանապարհներով տուն գնում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Էջմիածնի թիվ 11 դպրոցը փակել են, իբրև թե վերանորոգելու համար, բայց ոչ մի բան չեն անում, իսկ աշակերտներին տեղափոխել են վարժարան, որտեղ 2-րդ հերթ են հաճախում։ Առաջին դասարանցիները 15։00-ին գնում են դպրոց 19։00-20։00 վերջացնում, իսկ այդ ժամին ճանապարհները չեն լուսավորվում, թափառող շներն էլ մարդ են ուտում»,- այս մասին Oragir.News-ի հետ զրույցում պատմեց դպրոցի ծնողներից մեկը։

Նրա խոսքով՝ դիմել են տարբեր կառույցների, ԿԳՄՍ նախարար Ժաննա Անդրեասյանին, սակայն, հարցին լուծում չի տրվել։

«Այսօր ծնողական ժողով էր, որոշել են՝ երեխաների տեղափոսխել Շահումյան գյուղ, ես էլ ասացի՝ այդպես լավ չէ, տարեք Գորիս, կգնանք մեր երեխաներին տարին մեկ կտեսնենք, կգանք։ Ոչ մի խելքը գլխին առաջարկ չեն անում, հասկանանք ոնց երեխաների ուսումը կարգավորենք, գիշերը գալիս են տուն էլ իվիճակի չեն լինում դաս սովորելու։ Այլ դպրոցներ կան տարածքում, որ գոնե աշակերտների մի մասը կարող է այդտեղ առաջին հետթ գնալ, բայց չեն տեղափոխում։ Աբսուրդ է, գիշերվա 8-ին են գալիս տուն»։

Ծնողը պատմեց, որ Էջմիածնի թիվ 11 դպրոցի որոշ հատվածը դեռևս նախանցյալ տարի վերանորոգվել էր Արթուր Ասատրյանի օգնությամբ, սակայն հիմա դա էլ են քանդում․

«Միտումնավոր քանդում են և՛ դպրոցները և՛ մանկապարտեզները։ Հասկացանք երկիրը տեր չունի, բարդակ է, Նիկոլն է երկրի ոչ բաորվ տերը, բայց այս սերունդները մեղք են, անգրագետ են մեծանում»,- հավելեց ծնողը, և հարցին՝ գիտե՞ն, թե երբ է բացվելու 11 դպրոց, ասաց․

«Եթե մի երկրի դեմք օրական 3 եղանակով կարող է ժողովրդին մանիպուլացնել, դպրոց կառուցելն էլ կասի՝ 2 տարի, հետո 4։ Էլ չենք հավատում ոչ մեկին, Հայաստանը վերացրեցին»,- եզրափակեց նա։