Ռուսաստանում երկարացվել է արևածաղկի սերմի արտահանման մաքսատուրքը. այս որոշումը Հայաստանի վրա չի տարածվի

Ռուսաստանի կառավարությունը որոշել է ընդլայնել մի շարք միջոցառումներ՝ սննդամթերքի ներքին շուկայում կայունությունը պահպանելու և գյուղմթերքների վերամշակման համար առկա հզորությունների բեռնավորման համար։ Ըստ ՌԴ կառավարության մամուլի ծառայության՝ որոշման մասին հրամանագիր է ստորագրվել։

Այսպես, արևածաղկի սերմերի արտահանման մաքսի գործողության ժամկետը երկարաձգվում է մինչև 2026 թվականի օգոստոսի 31-ը. (50% չափով, բայց ոչ պակաս, քան մեկ տոննայի համար 32 հազար ռուբլի), և սոյա (20%, բայց ոչ պակաս, քան մեկ տոննայի համար 100 դոլար), ինչպես նաև արևածաղկի ձեթի և արևածաղկի քուսպի արտահանման մաքսատուրքերի լողացող դրույքաչափերի գործողության ժամկետը։

Բացի դրանից, 2024 թվականի սեպտեմբերի 1-ից մինչև 2026 թվականի օգոստոսի 31-ը արտահանման գործող ժամանակավոր արգելքի փոխարեն սահմանվում են ռապսի սերմի արտահանման մաքսատուրքեր։ Դրույքաչափը կկազմի 30%, բայց ոչ պակաս, քան մեկ տոննայի դիմաց 165 եվրո։

Առաջվա պես ժամանակավոր սահմանափակումներ կտարածվեն Ռուսաստանից Եվրասիական տնտեսական միությունից դուրս ապրանքների արտահանման վրա։

Սահմանափակումների երկարաձգմանը հավանություն է տվել Տնտեսական զարգացման և ինտեգրման կառավարական հանձնաժողովի մաքսային, սակագնային և ոչ սակագնային կարգավորման, արտաքին առևտրում պաշտպանիչ միջոցառումների ենթահանձնաժողովը։