Ականավոր հետախույզ Գոհար Վարդանյանը նշում Է 90-ամյակը

Ականավոր խորհրդային ընդհատակյա հետախույզ, Ռուսաստանի արտաքին հետախուզության ծառայության վետերան Գոհար Վարդանյանը, որը մեծ ավանդ Է ներդրել երկրի ազգային շահերի եւ անվտանգության համար անհրաժեշտ տեղեկատվության ձեռքբերման գործում, հունվարի 25-ին նշում Է 90-ամյա հոբելյանը, տեղեկացնում Է «Արմենպրես»-ը:  

Գոհար Լեւոնի Վարդանյանը ծնվել Է 1926 թվականի հունվարի 25-ին Լենինական (Գյումրի) քաղաքում: 1930-ական թվականների սկզբին նրա ընտանիքը տեղափոխվել Է Իրան: 16 տարեկանում նա մտել Է իր ապագա ամուսին եւ զինակից Գեւորգ Վարդանյանի հակաֆաշիստական խումբը, որի հետ մեկտեղ ակտիվ հետախուզական աշխատանք Է կատարել:   

1943 թվականին այդ խմբի կազմում մասնակցել Է Թեհրանի կոնֆերանսի ընթացքում «մեծ եռյակի» ղեկավարների անվտանգության ապահովման գործողությանը: Այդ ժամանակ կանխվել Է «մեծ եռյակի» ղեկավարների՝ Ստալինի, Ռուզվելտի եւ Չերչիլի դեմ հիտլերյան հատուկ ծառայությունների մահափորձը:   

1951 թվականին Վարդանյան ամուսինները վերադարձել են ԽՍՀՄ, 1956 թվականին ավարտել են Երեւանի օտար լեզուների ինստիտուտը: Այնուհետեւ Գոհար եւ Գեւորգ Վարդանյաններն «Անիտա» եւ «Անրի» օպերատիվ կեղծանուններով ընդհատակյա վիճակում հաջողությամբ աշխատել են աշխարհի շատ երկրներում: 1986 թվականին հետախույզները վերադարձել են հայրենիք:

Մասնագետների կարծիքով՝ նրանց աշխատանքի արդյունքներն այնքան նշանակալից են, որ երբեք չեն գաղտնազերծվի:    

Գոհար Վարդանյանի վաստակը նշվել Է Կարմիր դրոշի, II աստիճանի Հայրենական պատերազմի շքանշաններով եւ բազմաթիվ մեդալներով:

«Եվ իր իննսուն տարեկանում Գոհար Լեւոնի Վարդանյանը շատ գեղեցիկ եւ նրբեագեղ կին Է»,-  ՌԻԱ Նովոստիի հետ զրույցի ժամանակ նշել Է «Ռոսիյսկայա գազետայի» գլխավոր խմբագրի տեղակալ, հետախուզության պատմաբան Նիկոլայ Դոլգոպոլովը:

«Գոհար Լեւոնովնան եղել եւ մնում Է շատ վճռական կին, որն արագ որոշումներ Է ընդունում: Նա շատ բարյացակամ մարդ Է: Եվ չնայած տարիներին, նա միշտ առույգ Է մնում»,- ընդգծել Է նա: