Ծնողը պնդում է՝ Երևանի մանկապարտեզներից մեկում դայակը պարբերաբար ծեծել է հաշմանդամություն ունեցող երեխային

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անանուն մնալ ցանկացող ծնողը պնդում է՝ Երևանի կենտրոնի մանկապարտեզներից մեկում դայակը պարբերաբար ծեծել է հաշմանդամություն ունեցող իր փոքրիկին, որը թեև դժվարությամբ է խոսում, բայց հստակ նկարագրել է իր հետ կատարվածը: Ծնողի խնդրանքով ձայնը փոխված է, գրում է «Ազատությունը»։

«Էրեխուն, որ հարցնում էի՝ պարտեզում քեզ ի՞նչ են անում, ձեռքով խփում էր գլխին, վախենում էր իրանցից, ասում էր՝ գնա, չէր թողնում իրան մոտիկ գային: Տանը, երբ մենք պարտեզ էինք խաղում, իբր պառկում էի քնելու, երեխան գալիս էր՝ սկսում ինձ խփել ու պաչել, այսինքն, էդ մեթոդով դայակն էնպես ա արել, որ լռեցրել ա, համ էլ, որ երեխան մտածի, որ սիրում ա իրեն», - պատմեց ծնողը:

Տնօրենը թեև հերքում է, որ իր ղեկավարած մանկապարտեզում այդպիսի դեպք է տեղի ունեցել, այդուհանդերձ ընդգծում է՝ դայակն ու դաստիարակն այլևս չեն աշխատում:

«Դա չապացուցված դեպք է, որ ծնողը ներկայացրել է, որ մի ծնողի երեխայի պատմության հիման վրա է իր բողոքը: Կարևորելով երեխայի գերակա շահը՝ դայակը և դաստիարակն այլևս մանկապարտեզում չեն աշխատում», - ասաց տնօրենը:

«Ազատության» հարցին՝ «եթե չունեք ապացույց ինչպե՞ս եք աշխատանքից ազատել», նա պատասխանեց. - «Ես չեմ ազատել, քանի որ հիմնավոր պատճառներ չեմ ունեցել՝ ո՛չ ձայնագրություն, ո՛չ տեսանյութ, ապացույց չի եղել, դայակը և դաստիարակն ազատվել են իրենց դիմումի հիման վրա»:

Մոր խոսքով՝ երեխան որոշ ժամանակ հաճույքով է մանկապարտեզ հաճախել, հետո սկսել է փաթաթվել իր ոտքերին ու լացելով հրաժարվել գնալ: Մայրն ասում է՝ խմբի մի քանի երեխաներ իրենց ծնողներին պատմել են, թե դայակը խփում է այդ փոքրիկի գլխին, ծնողներն էլ դա իրեն են փոխանցել: Կինն ամուսնու հետ միանգամից գնացել է մանկապարտեզ հետո հասել թաղապետարան, քաղաքապետարան ու ԱԺ: Խոստումներ են լսել, որ հարցը կլուծվի, իսկ մանկապարտեզում պնդել են՝ սուտ է:

«Ծածկադմփոց արեցին, որ տեսան մենք չենք հանգստանում, Ազգային ժողովից իրենց դիմեցին, այսինքն, բոլորն իմացան, բայց դայակը մինչև էդ հեռացվեց», - նշեց ծնողը:

Հանդիպումներ ու քննարկումներ են կազմակերպվել: Հետո ծնողը դիմել է Ֆեյսբուքում ավելի քան 31 հազար օգտատեր ունեցող «Մանկապարտեզը և երեխաները» խմբի համահիմնադիր Աննա Ջավախյանին, ու միայն նրա հրապարակավ գրառումից հետո, ասում է, դաստիարակը նույնպես դադարել են աշխատել մանկապարտեզում: Դա համընկել է համացանցում Փոքր Վեդիում երեխային ծեծող դայակի տեսանյութի տարածման օրվա հետ։

«Տնօրենն ասաց՝ երեխաներն իրեն պատմել են, որ տատիկը բալիկիս պուշ է արել: Երեխաները դայակին տատիկ են ասում»,- պատմում է ծնողը, որը պնդել է, թույլ տան ինքն էլ խոսի երեխաների հետ, բայց առանց դայակի ու դաստիարակի:

«Սկսեցին երեխաները պատմել, մի երեխա խոսում էր ու ասում ա՝ տատիկն այ սենց խփում ա գլխին, բռունցքով երեխան խփում էր ինքն իր գլխին ու ասում էր՝ սենց ծեծում ա», - պատմեց մայրը:

«Ազատության» հետ զրույցում տնօրենն ասաց, որ նախ թույլ է տվել, որ այդ հանդիպումը՝ «քանի որ դա թույլատրելի չէր, սխալ հարցադրումների միջոցով կարող են երեխաներին տրավմայի ենթարկել, մենք խնդրեցինք, որ դուրս գան խմբասենյակից»: Ես համարում եմ, որ այդպիսի բան մանկապարտեզում չի եղել:

Հետո շարունակեց՝ անհամբեր սպասում են, որ քաղաքապետի խոստացած տեսախցիկներն իրենց մանկապարտեզում էլ տեղադրվեն:

Մայրն ասում է՝ ցավալի էր տեսնել, թե ինչպես են իր երեխայի խմբի 27 ծնողներ ստորագրահավաք կազմակերպել՝ ի պաշտպանություն դայակի ու մենակ թողել իրեն: Այդ խմբին, սակայն, չեն միացել այն երկու ծնողները, որոնք պատմել են իր երեխայի նկատմամբ բռնության մասին։

Ծնողը վստահ է՝ ստորագրահավաքն ուղղորդված էր: Տնօրենը սա էլ է հերքում. - «Ես ոչ մի կապ չունեմ և ոչ էլ դայակն ու դաստիարակը: Դա ծնողների կարծիքն է, որը ներկայացրել են ինձ»:

Երևանի քաղաքապետի մամուլի խոսնակ Հայկ Կոստանյանն ասում է՝ բոլոր կողմերի հետ խոսել են, բայց, որ այսպիս դեպքերը կանխվեն, շուտով Երևանի մանկապարտեզներում տեսախցիկներ կտեղադրվեն:

«Փուլ առ փուլ բոլոր 162 մանկապարտեզում պետք է ունենանք, տեսանյութերի պահպանումը, ուսումնասիրությունը, ամբողջ գործառույթը լինելու է հանրակրթության վարչության ձեռքում», - նշեց Կոստանյանը:

Հարցին՝ տնօրենները որևէ միջամտության հնարավորություն չե՞ն ունենալու, Կոստանյանը պատասխանեց. - «Ոչ, իրենք ուղղակի կարողանալու են դիտել և խնդիրների դեպքում միանգամից արձագանքել»:

Մանրամասները՝ սկզբնաղբյուրում։

Առավել մանրամասն` այստեղ.

https://t.me/armenia24live