«Որդիս նորմալ կվերաբերվի, եթե ես նորից որոշեմ ամուսնանալ». Լիլիթ Կարապետյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Որդիս նորմալ կվերաբերվի, եթե ես նորից որոշեմ ամուսնանալ, նա այլ կերպ է մտածում: Գուցե տարիներ հետո այլ կերպ մտածի, չգիտեմ, բայց ինքը փոքր տարիքից էությամբ այնպիսին է, որ միշտ ասում է, ով ինչպես ուզում է պիտի այդպես ապրի»,- «Հերմինե դիալոգ» հաղորդման շրջանակներում անկեղծացել է երգչուհի Լիլիթ Կարապետյանը:

Նա նշել է, որ պայքարում է, որ որդին հոր հետ կապը պահպանի, սակայն ոչ մի կերպ չի հաջողվում:

«Չի ուզում: Վերջին ժամանակներս Դավիթը մի քանի անգամ զանգահարեց ինձ, բավական երկար խոսեցինք, ես խոսք տվեցի, որ ինչ-որ մի բան կանեմ, բայց չի ստացվում: Նույնիսկ Դավիթի տեսահոլովակում հրաժարվեց նկարահանվել, ես չկարողացա իմ տղային համոզել, որ նկարվի: Պատճառաբանեց, որ ինքը այնտեղ գործ չունի: Ասաց՝ ինքը իմ հայրն է, բայց մենք օտար ենք»:

Լիլիթի խոսքով՝ ինքը շատ լավ հարաբերություններ ուներ Դավիթի մոր հետ, երբ նա դեռ կենդանի էր: «Կապը միշտ եղել է, ու ինքը պարտադրել է, որ Կարենի հետ հանդիպի: Այդ կինը նույնիսկ Կարենին դեռ չծնված շատ էր սիրում: Բայց երբ նա հիվանդությունից մահացավ, ամեն ինչ այլ կերպ դասավորվեց: Կարենն էլ ինձ նման փխրուն հոգի ունի, թեք նայվածքից կամ անզգույշ խոսքից կարող է նեղվել: Եթե առաջ կարող էի իր դեմ պայման դնել, որ չուզելով ինչ-որ բան անի, հիմա դա անհնար է: Կարծում եմ, եթե ժամանակին Դավիթը այլ ճանապարհներ գտներ, այսպես չէր լինի»,- նշել է երգչուհին: